Wir Albrecht von Gots gnaden herczog ze Osterreich ze Steyr ze Kernden vnd ze Krain graue zu Tyrol etc als der erwer geistleich vnser lieber andechtiger Niclas abt zu Gersten sein jnsigel verlorn hat vnd das auch ze rechter zeit vnd ze rechten tegen in allen vnsern stätten vnd juden schulen hie ze Wienn zu der Newnstat vnd ze Chrems hat lassen berufen, als er darumb beruffbrief hat vnd darwider nichts ist fürkomen, mainen wir vnd wellen ernstleich daz er vnd sein gotzhaus vnd sein nachkomen desselben jnsigels furbaz sullen vnengolten beleiben, auch wann ez hinfür funden vnd fürbracht wurd, daz in das vnschedlich sein soll vnd dhain kraft noch macht nicht haben in chain weis an alles geuerde. Mit vrkund des briefs geben ze Wienn an Phincztag nach sand Thomanns tag des zwelifpoten, nach Christi gepurd drewczehen hundert vnd in dem newnczigistem jare.||
Dominus dux per Gosch. Inprugger.

Source Fulltext: OÖUB 10 (Wien 1933-1939) S. 656