Wir Albrecht von Gotes genaden herczog ze Österreich ze Steyr ze Kernden vnd ze Krain graue ze Tyrol etc. embieten vnserm getrewn Wolfhartten dem Inprugger vnserm phleger ze Steyr vnser gnad vnd alles gut. Wir haben vnserm lieben andechtigen dem abpt von Gesten gegunnet vnd von sundern gnaden erlaubt ainen erch auf der Enns ze slahen. Dauon ist vnser maynung vnd emphelen dir ernstlich, daz du vnserr burger ainen von Steyr zu dir nemest, der zu solichen dingen wol kunne, vnd mit dem auf die Enns reyttest vnd wol aygenlich beschawest, an welichen steten der erch sei zu slahen, damit er allen fläzern vnd andern aribaitern, die auf der Enns ab vnd auf aribaitend, aller vnschedlichest stee, daz du in da lassest slahen. Das ist genczlich vnser maynung. Geben ze Wienn an sand Cholmans tag anno dominj etc. nonagesimosecundo.||
Dominus dux per dominum Anthonium prepositum Wiennensem.||

Source Fulltext: OÖUB 11 (Wien 1983) S. 117-118