Wir Albrecht von gotes gnaden Herczog ze Österreich ze Steir ze Kernden vnd ze Krain Graue ze Tyrol etc. Bechennen für vns vnd vnser erben vmb die zwai Guetel genant Im Grunt in der Garnweit in Mollner pharr gelegen vnser lehenschafft, die vnser getrewer Maister Herman der Vorster zue einem ewigen lieht das vor Gotsleichnams Venster in der Pharrkirchen ze Molln prinnen sol gewidmet vnd gestifftet hat vnd vns auch dieselben lehen aufgeben hat, daz wir ze vordrist durch gots willen vnd von sundern gnaden die obgenannten zway Gütel mit irr zuegehorung zue demselben ewigen liecht geaigent haben vnd aigen auch von fürstleicher macht wissentleich mit krafft dicz briefs, Also daz die nu fuerbazzer ewikleich da beleiben vnd auch dasselb liecht damit ausgericht werde in aller der masse als es gewidmet vnd gestift ist. Mit Vrchunt dicz briefs Geben ze Wienn an freytag nach Sand Jorgen tag Nach Kristi gepuert Tausent vierhundert Jar darnach in dem andern Jare.||
D[ominus] Dux per Math[eum] no[tarium]