In nomine sancte et indiuidue trinitatis patris et filii et spiritus sancti amen. Otto secundus divina fauente clementia babenbergensis episcopus Omnibus christi fidelibus tam futuris quam presentibvs salutem inperpetuum, Quia ratio Officii nostri hoc expostulat, ut sacris ecclesiis ob honorem dei omnipotentis in omnibus debeamus fideliter prodesse, Sed specialiter tamen hiis, que ad manum nostram pertinent. Hoc pio affectu considerantes Notificamus cunctis christi fidelibus, qualem benivolentie et gratie sollicitudinem circa Monasterium Glvnicense fecerimus. Siquidem venientes in partes illas a fratribus eiusdem Monasterij sumus benigne suscepti et humane tractati, quorum fideli deuotione incitati privilegia ipsius Monasterij nobis monstrare ivssimus, legimus et relegimus, omniaque ivra, libertates, gratias, et utilitates, quas sanctus Otto episcopus jn initio fundationis ipsius Monasterij ac alij antecessores nostri ipsi ecclesie donauerant, sicut etiam in eorum privilegiis invenimus, nos respectu eternorum premiorum cum consilio Canonicorum nostrorum ac Ministerialivm ecclesie nostre quasdam eis augmentando meliorauimus et auctoritate nostra firmiter duximus roborandas, Uidelicet, quod omnes possessiones et alia, que Monasterivm Glunicense a nostra ecclesia possidet, uel perpetuo habere poterit, sub defensione principis Stirie consistant. Ipse uero dictus princeps Stirie propter deum fideliter defendat et protegat ipsam ecclesiam sine omni conmodo temporali. Item familia Glvnicensis cum familia Babenbergensi sine ullo ivris sui dispendio matrimonia libere contrahat totaque filiorum ac filiarum successio ad Glv^onich pertineat. Item ligna quibuslibet usibvs necessaria in Hagwalde et in Pirno monte nominatim expressa et in omnibus nostris forestis et silvis, dum tamen non dent aliis neque uendant, dictum Monasterivm Glv^onicense et omnes in sua possessione existentes, desecandi et auferendi pro suis presertim vtilitatibus liberam habeant potestatem, Item in omnibus locis et alpibvs nostris suos greges pascendi liberam habeant facultatem, Item omnibus militibus et Ministerialibus ecclesie nostre sev aliis cuiuscumque nominis beneficia a nobis in pheodo uel sub ivre hominij habentibus licentiam et liberam potestatem contulimus iam dicto Monasterio Glv^onicensi fratribusque ibidem deo seruientibus potestative conferre possessiones, predia, beneficia, decimas et mancipia sua sev quelibet dona tam in siluis quam in agris cum omnibus usufructuariis, quesitis scilicet ac inquirendis, Ut autem idem Monasterium in tantum proficiat, quod etiam ab ipsius Abbatibus et fratribus indempnis permaneat, volumus et statuimus firmiter obseruandum, quod nullus Abbas et conuentus ipsius ecclesie uendat vel ad aliud alienationis genus protrahat, quicquid in possessionibus et ivribus inuentum fuerit Monasterii prelibati, nisi consensus ecclesie accesserit babenbergensis et principis Stirie, Preterea possessiones in Pirno monte, quas illustris dominus Otakerius Stirensis Marchio ab ecclesia babenbergensi ivre pheodali possederat, per manvs reuerendi patris sancti Ottonis predecessoris nostri babenbergensis ecclesie episcopi taliter resignauit, ut easdem conferret Monasterio Glůnicensi, quod et fecit, dicti Monasterij fratribus confirmamus, Uidelicet siluam quandam totam, que Aw^ea Casearia ab incolis nuncupatur, terminis istis ueris et legitimis in presentia antedicti Uenerabilis sancti Ottonis babenbergensis episcopi et optimatum suorum euidenter expressis, Scilicet a monte Wurchkogel in vno latere montis ipsius directim per uallem usque ad montem Langwat secundum descensum pluvialis aque per totam Avgyam usque in Tyecha, Et a monte Langwat secundum descensvm Rivi et uallis ipsius montis usque in Tyecha descendentia. Et a fluvio Tyecha usque ad Sepach Et per Rivum Sebach sursum usque ad Stagnum et ipsum Stagnum totum, de quo nomen sumpsit der Sebach, Et a Stagno sursum usque ad Lacum La^ewen Et a lacu La^ewen usque per fontem Et a fonte per Rvpes, qui dicitur Torstaein, Et a Torstaein sursum usque ad Willdense Et a Willdense usque in Pirnse deorsum, Et a Pirnse secundum descensum Rivi Tyecha, directim per totum montem Swerzenberch, infra et supra, culta et inculta cum alpibus usque in Sebach. Insuper alterurn montem Gv^olch et Salinam, que in ipso est, Et omnia hinc et inde ex latere montis undique iacentia Et super ipsum montem Gv^olch siluam totam cum omni utilitate, que ibi nunc est aut perpetuo fieri poterit, Et ut sepedicto in Monasterio Glv^onicensi cultus divini nominis per nos etiam augeatur, donauimus de consilio Canonicorum ecclesie nostre dicti Monasterij fratribus trans flumen Tanpach in villa Gersten mansum Gozilai uenatoris an der Wůre cum proximo pheodo sibi adiacenti. Item uolumus et firmiter statuimus obseruandum, ut nullus iudicum vel officialium ecclesie nostre aliquam exactionem potestativam sev ivrisdictionem in quibuscunque memorati Monasterii prediis, possessionibus, hominibus aliqualiter exercere debeat, Et ne ista traditionis nostre pia actio unquam ab aliquo successorum nostrorum sev hominvm aliorum infringatur, cum banno Domini nostri iesu christi omnivmque sanctorum nec non et nostro sub exconmunicationis et anathematis vinculo districtius prohibentes, ne quisquam deinceps id, quod indulsimus siue concessimus, Monasterio Glvnicensi infringere vel cassare aliqualiter audeat uel presumat. Hocque, quod fecimus sollempniter, nostro sigillo profitemur. Huius rei testes sunt: Diedpoldus venerabilis Pataviensis ecclesie episcopus. Albero Decanus, Jacobus Archypresbiter, Adelbertus archypresbiter Canonici Pataviensis ecclesie. Heinricus maior prepositus ecclesie babenbergensis, Pvrchardus Decanus, Tyemo prepositus sancti Stephani, Vlricus archidyaconus, Eberhardus Cantor, Chvnradus Custos, Canonici ecclesie babenbergensis, Perchtoldus dilectus consanguinevs noster dux Meranye, Leutoldus de Wahrstaeine, Vlricus de Wiltperch, Amelpreht de Lochv^osen, Ortolfus de Tolet, Pillunch de Kyrchaeime, Ekkart de Lymeze, Laentfrit de Eppenstaeine, Alrammus de Kambe, Arnoldus de Kamer, Hermannus, Marquardus Slikarij, Pilgrimus de hage, Erchenpoldus de Hagwalde, Starchandus, Rudigerus et frater eius Otto, Warmundus de Cyrberch, Heinricus stierbenze et alter Heinricus, Hugo der Gaerwer cum multis aliis. Datum apud Laureacum in ecclesia sancti Laurentij, vbi etiam eodem die Tredecim (sic) prelati cum multitudine cleri conuentum sollempniter celebrabant, Anno pontificatus nostri sexto, Anno ab Incarnatione Domini Millesimo Centesimo Octogesimo Tertio, Pridie idus Augusti, InDictione Septima, Regnante Domino nostro iesu christo In eternum feliciter, Amen.

Source Fulltext: OÖUB 2 (Wien 1856) S. 385-387