Wir Marchart von Gotes gnaden Abt des Gotzhawzz z/e Glewnkch vnd der Conuent daselbs, veriehen offenwar an dem offen gegenwu^ertigen Prief, allen den er fu^er chümt, daz wir mit wolwedachtem muet vnd mit veraintem Rat vnser vnd vnsers Conuentz verlihen haben Lewpolten dem Cholben vnd seiner Hawsfrawen vnd i^ern nschsten Erben dew Äkcher dev Rewtpewnt g/enant pey Tewschenried g/elegen in Sy^ernicher pharr zu rechtem Erbrecht mit allen den Eren vnd Rechten vnd nuczen vnd dar zu^e g/eho^ert, oder da von wecho^emmen mu^egen, wie dy^e genant sind, also weschaidenleich, daz sy vns Ja^erleich auf vnser Syechhaus vnserm Syechmayster wer ye zten zeiten g/eweltig ist, von denselben Rewtpewnten dienen vnd raihen schullen. auf sand Go^ergen tag ein halbs phunt phenning g/emainer wyenner münzz. ze O^estern sechczk ay^er vnd zwen Chas vnd vier Herbst Hu^ener. vnd Vyer meczen Cho^erns vnd Vyer meczen Haberns ze zehent, an alle wider Red, Wer aber daz, daz sy vns den vorg/enanten di^enst daz halb phunt phening in der vi^erczehen Ta^egen nicht richteten, so sind sew vns vervallen sechczk phenning z/e wandel, vnd also merent sich die wandel zu dri^en viertzehen ta^egen, wer aber daz, daz sy vns daz halb phunt phenning vnd dew wandel in der sechs wochen nicht richteten, so sind sy des nachsten tages g/euallen von allen i^ern Rechten dew sy daran haben scholten oder mo^echten. Sy schullen auch chain Stewer geben. Nu^er wann des Lands/e fu^ersten oder des pabstz poten oder der Pyscholf stewer an vns mu^etete, so sullen sy dreyzzk phenning geben vnd nicht mer. Vnd wenn ein wandlung auf dem vorgenanten Guet geschiecht, vnder den vorg/enanten Lewten mit dem Leben oder mit dem To^ed, so schol der auf vert dreyzzk phenning geben vnd der ab vert dreyzzk phenning vnd nicht mer, vnd auch g/emainer wyenner phenning. Daz die Red also stat vnd vnuerchert w^eleib, Geb wi^er Jn den offen gegenwurtigen Prief versigelt mit vnsern payden anhangunden Jnsigeln, Der g/egeben ist nach Christi g/epu^erd vber drewczehen Hundert Jar, dar nach in dem Achczkistem Jar des Suntags z/e Mitter Vasten wenn man singt Letare ih(e)r(usa)l(e)m.

Source Fulltext: OÖUB 9 (Wien 1906) S. 808-809