Ich Fridreich von Schöndorf tuen chund an disem brief, daz mir mein herr abbt diethart von Ma^ennsee vnd auch di samnunng daselbs ain hueb haisset aw bei prukk dem Markcht hat verlihen ze meinen ta^egen alain ze nyessen also, daz ich dem Chamra^er von Ma^ennsee all iar an vnser frawntag der lest in dem herbst schol ze ainem vrehund geben ein halb pfunt Salczpurger oder drey schilling Wienner newer pfenning, vnd wenn ich nymer pin, so schullen meine chind noch chain mein frewnt chain ansprach haben hincz der vor genanten hueb nwer daz gotshaws ledichleichen, und daz daz also sta^et vnd vnuerchert beleib, dez gib ich disen brief ze ainer vrchund versigelt mit meinem insigel. der brief ist geben ze Ma^ennsee nach Christi gepurd vber drewtzehen hundert iar, darnach in dem sechsten iar an sand Thomans abend vor den weinachten.

Source Fulltext: OÖUB 4 (Wien 1867) Nr. 552, S. 514