Ich Christan der Pu^ebinger mein hawsfraw und unser erben bechennen offenleich mit dem brief, daz wir uns umb allen chrieg und ansprach di wir gehabt haben hintz dem hof ze Ganakcher und hintz dem gotshaws ze Ma^ennse verricbt haben gar und ga^enezleich auf ein gancz end nach erberger lawt rat mit dem hochwirdigen herren abbt Hainreich ze Ma^ennse mit der weschaiden, daz uns der vorgenant herr und daz convent ir frewnt und all di iren ir frewntschaft und ir huld geben habent trewleich an alls geva^er, daz sy umb die vorverschriben sach unser schaden unser leib noch unser gu^et nicht werfen schullen in chainer weys. Wir sichern auch die vorgenanten herren von Ma^ennse und all di iren hinwider umb oben verschriben sach, daz sy von uns und unsern nachko^emen furbaz ewichleich sullen sicher sein trewleich an alz geva^er und an arglist. ez sol auch Herl der Weigel sein hawsfraw und ir erben in derselben sicherhait sein und unser fu^edrung furbaz haben wann sy ir bedurffen, oder wer auf dem vorgenanten gu^et sa^ezz von iren wegen. wir veriehen auch mer, ob wir umb allez daz oben verschriben ist furbaz chainerlay chrieg oder ansprach suchten und daz indert u^eberfu^eren dez uns daz vor genant gotsbaws ze Ma^ennse u^eberweisen mo^echt mit zwayn erbergen mannen den ze gelauben wa^er, so sullen wir furbaz u^ebersagt lawt sein, daz wir weder freyung noch stet vest noch chains fritz nicht sullen genyessen, dann alz verr di vorgenanten herren ir genad weist. Der sach sind taidinger gewesen herr Alhart der Lewbolfinger ze Ekkenmul trugsa^ezz in Bayern, herr Albrecht der Nothaft von Egloshaim und Chunrad der schreiber von Pladling, Hillprant der Werttinger, Ott der chelner von Mannse und ander erberg lawt genueg. Daz in daz allez sta^et gancz und unzebrochen beleib, daru^eber ze einem warn urchund geben wir in disen brief under der erbergen herren insigel hern Alhartz von Lewbolfing trugsazz in Bayern und under hern Hainreichs dez Nothafcz von Wernberch und under hern Albrecht dez jungen Nothaft insigel, die irew insigel an den brief gelegt habent durch unser vleissigen pet zw einer geda^echtnuss in an schaden, darunder wir uns verpinden mit unsern trewen, allez daz sta^et ze haben und volfuren, daz oben verschriben stet. Daz ist geschehen nach Christi gepurd drewzehen hundert jar darnach in dem ain und sechczkisten jar dez suntags in der vasten alz man singt Reminiscere.

Source Fulltext: OÖUB 8 (Wien 1883) Nr. 4, S. 4f.