Ich Friedreich von Ma^emling mein hausfraw und all unser erben verjehen offenbar mit dem brief, daz uns unser genadiger herr abbt Hainreich von Ma^ennse und sein convent geweist und geinnert habent mit unsers lieben vater saligen brief umb den hof ze Dancholfing, daz wir daran chainerlay recht gehabt haben nach dez briefs sag den sy von im gehabt habent, dezselben briefs verjech auch wir sta^et ze haben und ze volfüren also, daz wir fürbaz ewichleich chainerlay ansprach nymer dahin haben schullen. Daz in daz sta^et und unverchert weleib geben wir in den brief versigelten mit unserm anhangunden insigel, darunder wir uns verbinden mit unsern trewen alz daz sta^et ze haben daz vorgeschriben stet. der brief ist geben do man zalt nach Christi gepurd drewczehen hundert jar darnach in dem ain und sechczigistem jar dez sampcztags vor sand Jorgen tag.

Source Fulltext: OÖUB 8 (Wien 1883) Nr. 13, S. 12f.