Hainricus dej gratia Marchio de hachperch, capitaneus austrie superioris vniuersis et singulis, ad quos presens scriptum peruenerit, salutem in omnium saluatore. Ne ea, que geruntur in tempore, labantur simul cum tempore, necesse est, ut scripture testimonio perhennentur. Inde est, quod nos scire cupimus tam presentes quam posteros, quod nobis anno domini M.CC.LXX.X. secunda feria proxima post festum beate Margarete virginis linze pro tribunalj sedentibus venerabilis domina Gertrudis abbatissa de Trvnkirchen obtinuit coram nobis per conmunem sententiam omnibus, qui aderant, applaudentibus, quod ipsa habet de iure et de facto ius iudicandj siue iurisdictionem in omnibus curtibus nec non et hominibus monasterio suo pertinentibus in cunctis causis ipsos contingentibus, iudicijs sangvinis dumtaxat exceptis, in quibus est taliter procedendum. Si aliquis in bonis ipsius monasterij in furto, latrocinio seu quocunque maleficio deprehendatur, hunc iudex locj in iudicijs sanguinis exercitium iurisdictionis habens a procuratore domine abbatisse predicte requisitum et ab eo traditum, prout iustum fuerit, iudicabit. Si uero aliquis in iure et obediencia domine abbatisse iam dicte inuentus fuerit contumax et rebellis, aduocatus locj hunc ad ipsius domine abbatisse obedienciam reuocabit. Ne autem aliquis pretaxatum ius in aliqua sui parte ininuere seu infringere adeat (sic pro audeat), presentem paginam memorate domine abbatisse nomine suj monasterij tradidimus sigilli nostri munimine roboratam. Huius rej testes sunt dominj hertnidus de trvna, vlricus de capella. Wikardus de polnhaim, Heinricus et ch. (unradus) fratres de volkenstorf, hainricus de volkenstorf, Gundakarus de losenstain, Chvnradus de harthaim et otto filius eius, ortolfus de chersperch, Wernhardus de lerbuhel, hainricus de stain et alramus filius eius, albero et alramus fratres dicti plicholben, Wernhardus depovrawe, Gotfridus de pernawe, Ditmarus de loh, herrandus de hiltprehtingen, Josep de stira, Gotfridus de talhaim, heinricus de pevzcheim et quamplures alij fide dignj. Actum et datum loco et termino prenotatis.

Source Fulltext: OÖUB 3 (Wien 1862) S. 520-521, Nr. 561