(1) Ich Seebekk hawbtman zu Beitra Bekenn das für mich kam Siman zwin Fridreichs und (2) gab mir auff ain hofstat zwin Beczells und sechtzig Phenning gelts di der Perger vom Beczlo (3) dar Inn dienet von ainem erb di zu lehn bevinet von der Herschafft ze Beitra und gelegen In (4) der selbigen Herschafft und patt mich daz ich an stat dez hachgeboren Fuersten Herzog Albrechten (5) Herczogen ze Osterrich und Margkraven ze Merhen zt meins genedigen und lieben Herrn di ge (6) ruehet ze verleihen Michelen dem prewer des alten prewer Sonn zu Baltenstain das ich also durch (7) sein vleissiges gepett getann hab und leich dem Benannten Michelen und allen sein erben di benant (8) hofstat mit irer gult und zue gehorung Bessnleich In Krafft dies prieffs alls vill ich in ze (9) recht dar an verleihen scholl und mag das sy di nu furbas in lehens Beise inne haben nüczen (10) niessen und iren fromen damit schaffen schullen alls lehens decz landes ze Österreich und der (11) Herschafft ze Beitra Recht ist angeverd mit urkund des prieffs besiglt mit meinem angehangenen (12) Insigl der prieff ist gebenb an sand Jacobs abent nach Christi gepuerd vierczehn hunderet Jar.