Nos Matheus diuina miseratione abbas monasterii Altenburgensis ad notitiam cunctorum cupimus peruenire, quod cum dilectus nobis dominus Heinricus, plebanus in Neunchirichen, certam summam pecunie pie memorie domino Heinrico quondam predecessori nostro ad vsus prefati nostri monasterii mutuasset, de qua summa postmodum a bone memorie domino abbate AIberto predecessore nostro proximo vsque ad sex libras denariorum Wiennensium extitit exolutus, jdem dominus Heinricus volens consulere anime sue saluti, easdem sex libras fratribus domus nostre libere condonauit pro emenda media libra reddituum annuali ipsis dominis nostris specialiter contribuenda et vsibus eorum ex nostra permissione applicanda, pro anniuersario sibi iuxta consuetudinem nostri monasterii cum vigiliis et missa defunctorum annis singulis peragendo. Verum quia prefatas sex libras ad presens habere nequiuimus, aliis maioribus necessitatibus nostre ecclesie prepediti, memoratum honus puta solutionem medie libre annuatim substituimus de fratrum nostrorum consilio et consensu, prefatis fratribus nostris assignantes mediam libram denariorum Wiennensium de quibusdam . . .itis in Vronhouen annuatim in festo sancti Cholomanni exoluendam, eo pacto adhibito et conditione apposita, vt si infra terminum .. .tam mediam libram ipsis fratribus nostris non comparaverimus, sepedicto Heinrico vel successori suo, si ipsum, quod absit, decedere vel recedere contingeret, et quicunque pro tempore fuerit plebanus in Rorenpach, easdem sex libras assignabimus sine omni dilatione, vt per eos pia voluntas testatoris, quantoties impleatur, scilicet media libra reddituum dominis nostris distribuenda, vt premittitur, annuatim. In cuius rei testimonium euidens prefato Heinrico dedimus presens scriptum, sigilli nostri robore communitum.

Source Fulltext: BURGER, Urkunden Altenburg (=FRA II/21, 1865) S. 190-191