Wir Albrecht von gotes gnaden hertzog ze Österreich, ze Steyr vnd ze Kernden, tun chunt mit disem brief vmb die gnad, die vnser lieber öhem her Gewido, der cardinal, getan hat, den erbern vnd geistleichen leuten, dem abtt vnd dem conuent ze Altenburch an der chirichen ze Stregen, als der brief sait, den er in darüber geben hat, daz wir wellen, daz si bei derselben gnad beleiben, vnd daz in daran niemant chainen gewalt noch irrung tue, in dehainen weg. Der brief ist geben ze Wienn, an Mentag nach dem Sunntag Oculi, nach Christes geburd dreutzehen hundert iar, darnach im fumftzkisten jar.

Source Fulltext: BURGER, Urkunden Altenburg (=FRA II/21, 1865) S. 230