Wir Albrecht von gots gnaden hertzog ze Österreich, ze Steyr, ze Kernden vud ze Krain, graf ze Tyrol etc., bechennen, als weilent der hochgeborn fürst vnser lieber herre vnd vatter hertzog ze Österreich etc. dem got gnad, den erbarn vnd gaistleichen vnsern getrewn andechtigen, dem abbt vnd dem conuent des gotzhauss ze Altenburg die gnad getan hat, mit seinem brief, daz man die zehen schilling Wienner phening gelts, die sy vnd ir gotzhaus habent auf behausten holden in den ziegelöffen vor Kernertor hie ze Wienn, von jn nicht abledigen vnd losen sol, nach gesetzde, die vormals gesetzt vnd erfunden ist, daz wir zevordrist durch gots willen, vnd dadurch, daz der gotzdienst niht geminert sunder gemeret vnd gefürdert werde, dem vorgenanten abbt dem conuent vnd dem gotzhauss ze Altenburg dieselb gnad vnd auch den egenanten brief bestett vnd vernewert haben, besteten vnd vernewen auch den von fürstlicher macht wissentlich mit kraft ditz briefs, vnd mainen vnd wellen, daz der gentzlich bey seinen kreften beleib, vnd daz dawider die vorgenanten zehen schilling gelts von der egenanten gesetzd wegen niemant ablöse in dhainer weis. Das ist gentzlich vnser maynung. Mit vrchunt ditz briefs, geben ze Wienn, an Sampstag nach dem heiligen auffarttag, nach Kristi gepurt in dem ayn vnd viertzehenhundertistem jare.

Source Fulltext: BURGER, Urkunden Altenburg (=FRA II/21, 1865) S. 286-287