Wir Andre von gots gnaden Abbt zu Admund Bekhen[e]n fur uns / und all unnser nachkhomen, und thuen khundt offenleich mit dem / brieff allen den er furkumbt, das wir mit gunst, willen unnd / wissen Brueder Leonharts die zeit unnser prior, Brued[er] / Gorigens, und Brud[er] Aloysen, die zeit unnser pfarrer unser / Conventbrued[er] Auch durch peet Edler und Erbar leut / und von Hegung wegen des järliche Zynnß. dem erbaren / unser[e]m getreuen Hannsen Fraid seiner Hawssfr[au] Anna / die er yez hat und allen Iren Baider eriben zu Rechten / Kauffrecht geben und verlichen haben, unnsern und unsers / Gotshawss Hoff genant zue Lessaw, mit allen sein zue / gehorungen gelegen In dem Lanndtgericht Lungaw. Geben / und verleihen In dem auch wissentleich In krafft dies / briefs, In solicher Beschaiden das sew unns unnser[e]n nach=/ komen und Gotshawss, Jarleich und unvorzogennleich am / abgangckh auf den nagsten Suntag nach Sannd Andreses / des heiligen zweliffpoten Her gen Admund In unnser / kammer auf Ir potts zerrung und wagnuß, davon dienen / [gestrichen: Reichen und] geben [am linken Rand durch Verweiszeichen ergänzt: unnd Raichen] sullen Sechzehen pfundt pfennig rechter / Lanndeswerung In Steyer, sew sullen auch den benanten / unnsern Hof mit allen seinen Zuegehorungen, als der mit / sein pymerkhen und Rain ausgezaigt und umbfangen ist, / zw hawss und zu Wald Stifftleich[en] und pawleich[en] halten, / und unverengertt Inhaben. Und sullen auch nichts davon / versezen, schaffen geben verkawffen noch vermachen, unnd / unns unsern nachkomen und Gotshawss In allen unseren / notturfften und voderungen und In weichstewer, wann sich / das gibt, und In andern sachen, wie die genanndt sind / nichts ausgezoggen gehorsam und gewertig sein, Als annd[ere] / die unseren, wann auch der benannt Hans Fraid / sein Hawsfr[au] Anna die er yez hat und all Ir Baider / eriben, die kauffrecht auf den benanten unser[e]n Hoff / mit allen sein zuegehörungen, verkhumen od[er] ver=/ kauffen wolten oder muessen, So sullen sew die nyemant / zu kauffen geben dann einen der uns oder unnser[e]n nach= / komen darzue [gestrichen: gefeldt] gevelt, mit unsern und unnserer / nachkomen gunst willen und wissen, und wie sie das also [S. 2] verkauffent, da sol uns unser[e]n nachkomen und Gotshauss / von Gevallen, Alles das, das unser[e]n gnädigen Herr[e]n / von Salzburg und Andern Pretelatt[e]n und Herr[e]n des / Lungaw von [durch Verweiszeichen am linken Rand eingefügt: Iren leuten von] solchen Kauffrechten geveldt unge=/ vorlaichen, Sunder ist zumergkhen, welicher Erib / unnder den Eriben der den Hoff besyzt mit dem / Tode obget und wandeltartig wierdt, So sol der / nächst Erib den da will ansizen von unns und unser[e]n / nachkomen besaw[e]n und zur Anlayt geben zehenn / gueter gulden ungar und duccatt[e]ns geld ungevor=/ leichen, und ob sew das alles So der brieff Inhaldt / ynndert abefueren und nicht ganzleich Statthield[en] / So sind sew ganz von allen Iren gerechtigkheiten. / die sy an dem obbenannt[e]n [gestrichen: Hoff] unser[e]n Hoff mit dem / brieff haben Das zu ainer Urkhundt geben wir / dem obbenanten Hannsen Fraid seiner Hawsfr[aw] / Anna, die er yez hat, und allen Iren Baider erben / den brief für unnd und all unnser nachkomen, / Besiegelt[e]n mit unnser[e]m Anhangenden Insigil, / das wir Im das kauffrecht also geben haben, / dapei sind gewesen die obbenant[en] Brued[der] Leonhardt / Prior, [über dem nächsten Wort eingefügt: Brueder] Gorig und Brued[er] Aloysens, unnser Conwendt / Brued[er] mit der und d[er] andern unns[er]s Convent[e]n / willen u. wissen wir das also gehandlt haben. / Der brief ist geben zue Admund an Sunntag negst / vor Sannd Andres[en] des heiligen zweliffpoten, nach / Cristj Gebpurdt vierzehenhundert Jar und danach / In dem Ains unnd sechzigisten Jare./ [Mit anderer Tinte:] Ist gegen dem Rechtn Orginall / durch den Herrn Anwalld H Petern / Galler, unnd Rueprecht[e]n Khumpfner / Hofricht[er] zu Admundt Collationiert [Auf der 1. Seite auf der aufgefalteten Außenseite:] Copie des Kaufrecht Br[ie]f umb / dem zehenthof zu Lessau d Ao C / In den 61d[en] 1461 diese briefs Abschrifft haben / die Fraiden gebrueder anheut den / 21.[?] Decemb[er] Ao 50t[e]n alhie / zu Tambsweg In d[er] stifft / auf erfordern furgelegt / No /3/