Wir Fridreich von gots gnaden herczog ze esterreich ze Steyr ze Kernden vnd ze Krain Graue ze Tyrol etc. ||
Tun kunt - daz wir dem Ersamen, vnserm lieben getrewen andeachtigen Abbt Chunraten von Sant Jorgenperg ||
dem Conuent vnd dem Gotshaws daselbs, durch Irer frumikeit vnd erberkeit, damit Sy sich gen uns, als Irem ||
Rechten Herren vnd Vogt in dem Krieg mit Irem Gotshaws frumikleich gehalten haben, vnd durch vnsrer vordern ||
vnd vnser Selhail willen, der Sy alle Quatemper des abents mit ainer Vigily vnd des morgens mit ainem ||
gesungen Selampt vnd messen als Fursten zu gehört suellen gedenchen, vier fuder Salczes aus vnserm phan- ||
haws ze Hall ewichlich gegeben vnd geschaffen haben zusampt dem andern Salcz, daz Sy vor daraus haben ||
dauon so schaffen wir mit ainem igleichem vnserm Salczmayr gegenwirtigen oder kunftigen, wer der ye zu ||
den zeiten ist ernstleich, daz er In die egenanten vier fuder Salcz also Jerleich geb vnd raiche an alles vercziehen wan ||
alsost er das getan hat. So sagen wir In darumb ledig vnd sullen Im die an Seiner Raytung stettichleich ||
gelegt vnd abgeczogen werden an geuerde mit vrkunt dicz briefs. Geben ze Jnsprukg an Eritag nach dem ||
Suntag Inuocauit in der Vasten-Nach-Krists geburde vierczehenhundert Iar vnd darnach in dem Aindlesten ||
Iare.|| Ein brieff von Herzog Fridrich von Osterreich vnd grafs||
zu Tyroll vmb