| Paschalis episcopus, servus servorum dei, venerabili filio Hartmanno^a Goteuuigensi abbati eiusque successoribus regulariter promovendis imperpetuum. | Austri terram inhabitantibus per prophetam dominus precipit cum panibus occurreri fugienti. Idcirco te fili karissime Artmanne^b et fratres tuos de seculo ad omnipotentis dei servitium aversos et ad eius faciem festinantes gratanter excipimus et per sancti spiritus gratiam sedis apostolicê munimine confovemus. Per pressentis igitur privilegii paginam apostolica auctoritate statuimus, ut quêcunque hodie idem cenobium possidet sive in futurum concessione pontificum, liberalitate principum vel oblatione fidelium iuste atque canonice poterit adipisci, firma vobis vestrisque successoribus et illibata permaneant. Decernimus ergo, ut nulli omnino hominum liceat idem monasterium temere perturbare aut^c eius possessiones aufere vel ablatas retinere, minuere vel temerariis vexationibus fatigare, sed omnia integra conserv[e]ntur^d eorum, pro quorum sustentatione et gubernatio[n]e^e concessa sunt usibus omnimodis profutura, salva Pataviensis episcopi canonica reverentia, cui tamen omnino non liceat vexationem aliquam vel consuetudinem, quê regularium quieti noceat, irrogare. Crisma, oleum sanctum consecrationes altarium sive basilicarum ordinationes monachorum, qui ad sacros fuerint ordines promovendi, ab episcopo, in cuius diocesi estis, accipietis, siquidem gratiam atque communionem apostolicê sedis habuerit, et si ea gratis ac sine pravitate voluerit exhibere. Alioquin liceat vobis catholicum, quem malueritis, adire antistitem et ab eo consecrationum sacramenta suscipere, qui apostolicê sedis fultus auctoritate, quê postulatur, indulgeat. Nec episcopo autem nee abbati ipsi nec personê alicui facultas sit cenobii bona in feudum sive beneficium sine consensu meliorum fratrum personis aliquibus dare vel modis aliis alienare. Sane sepulturam eiusdem loci omnino liberam esse decernimus, ut eorum, qui illic sepeliri deliberaverint, devotioni et extreme voluntati, nisi forte excommunicati sint, nullus obsistat. Laicos sive clericos seculares ad conversationem suscipere, nullius episcopi vel prepositi contradictio vos inhibeat. Obeunte te nunc eius loci abbate vel tuorum quolibet successorum nullus ibi qualibet surreptionis astutia seu violentia preponatur, nisi quem fratres communi consensu vel fratrum pars consilii sanioris secundum dei timorem et beati Benedicti regulam elegerint. Si qua igitur ecclesiastica secularisve persona^f hanc nostrê constitutionis paginam sciens contra cam temere venire temptaverit, secundo tertiove commonita, si non satisfactione congrua emendaverit, potestatis honorisque sui dignitate careat reamque se divino iudicio existere de perpetrata iniquitate cognoscat et a sacratissimo corpore ac sanguine dei et domini redemptoris nostri lesu Christi aliena fiat atque in extremo examine divine ultioni subiaceat. Cunctis autem eidem loco justa servantibus sit pax domini nostri Iesu Christi, quatinus et hie fructum bone actionis percipiant et apud districtum iudicem premia eternê pacis inveniant; amen, amen; amen. Scriptum per manum Rainerii scriniarii, regionarii et notarii sacri palatii. Ego Paschalis catholicê ecclesiê episcopus ss.^g (R.)^h (B V.)ⁱ||
Datum Laterani per manum Iohannis sanctê Romanê ecclesiê diaconi cardinalis IX. kalendas novembris, indictione XIII, incarnationis dominicê anno MCV, pontificatus domini Paschalis secundi pape VI.^k

Source Fulltext: FUCHS, Göttweig I (=FRA II/51, Wien 1901) S. 29-31