† | In nomine sancte et individue trinitatis, Wolfkerus dei gratia Pataviensis episcopus omnibus Christi fidelibus in perpetuum. | Pontificalis officii cura exigit venerabilia et religiosa loca fovere et amplecti atque ad offerenda in eis redemtori nostro cottidiana laudum sacrificia, suas eis iusticias recognoscere et pie ac rationabiliter stabilire. Notum itaque facimus tam presentis, quam futuri temporis Christi fidelibus, qualiter nos fratribus Gotewicensis cenobii bona eorum conversatione incitati atque virorum dominum timentium sapienti consilio inducti partem decimalis vini in Chremesensi parrochia a predecessoribus nostris felicis memorie Althmanno, V^odalrico Reinmaro, Reimberto, Chůnrado, Dietpoldo quondam eis traditam, sed occasione quadam per nos ad tempus subtractam bono animo recognovimus. Fuit autem hec occasio, qua prefatas decimas ad tempus possedimus. Cum decime frugum in eadem parrochia totaliter nostri iuris essent, rure in vineas redacto et illarum vinearum decime totaliter nobis adiudicate fuerunt, nos vero predictis fratribus ex ratione privilegiorum suorum inde questionem moventibus benigne acquiescere decrevimus et antecessorum nostrorum pontificum privilegia innovantes medietatem decimalis vini in parrochia Chremesensi recepto ab eis conpetenti concambio ea videlicet ratione, ut inconvulsa in perpetuum maneat actio, consensu chori et ministerialium in perpetuum tradidimus et presenti privilegio cum sigilli nostri inpressione roboravimus. Recepimus autem ab eis in concambio medietatem decimarum de duabus villis Lengenuelde¹ et Mitterberch² et apud Sanctum Ypolytum X et VII curtilia et medietatem unius curtilis et duo beneficia et dimidium et villam, que Sco^vingen³ dicitur. Ut vero hec legalis commutatio per omnes successores nostros rata permaneat ita nimirum, ut etiam, si vinetis destructis agricultura succedat, predicti fratres nichilominus mediam partem decimarum sive in frugibus sive in quibuscunque humanis laboribus sortiri debeant, in presenti pagina subscriptos testes pariter annotari voluimus, quorum hec sunt nomina Hademarus de Chufarn, et filius eius Otto, Wichardus de Zebingen, Albreht de Kambe, Sifridus Waise et filius eius Sifridus, Hademarus de Murrestetin, Richkerus et frater eius Fridericus de Wesen, Leuthart, Hainrich iudex, Timo de Půhcllberch,^a Manegolt de Schonepuhil, Dietricus de Werdarn, Otto de Zaizeinmůr, Chalhohus de Grasperc, Otto de Wolfpazingen, Chunrat de Walde et frater eius Otto, Gotfridus de Haselbach, Ekolfus de Warte, Albreht de Patavia. Ego Hanricus decanus subscribo.^b Ego Megegotus ss. Ego Uverneherus prepositus ss. Ego Hainricus ss. Ego Arnoldus ss. Ego Chadelhohus ss. Ego Timo ss. Ego Uverneherus ss. Ego Heinricus ss. Ego Arnoldus ss. Ego Hermannus ss. Ego Albero ss. Ego Megenhardus ss. Acta sunt hec anno domini MCXCIIII, indictione XII, tempore Hainrici^c imperatoris, anno pontificatus nostri IIII; Patavie feliciter; amen.

Source Fulltext: FUCHS, Göttweig I (=FRA II/51, Wien 1901) S. 73-74