Nos Otacherus dei gracia Boemie rex, dux Austrie et Stirie ac marchio Moravie, scire volumus universos presentes litteras inspecturos, quod dilectus noster capellanus Hellenwicus, venerabilis abbas de Chotwico, et conventus monasterii eiusdem nobis cum instancia supplicarunt, ut litteras sigillatas sigillis H(einrici) comitis de Hardek et Ditrici de Hohenberch ad perpetuam rei memoriam transcriptas faceremus nostrorum sigillorum munimine roborari. Nos itaque eorundem abbatis et conventus iustis precibus favorabiliter annuentes tenorem dictarum litterarum de verbo ad verbum nostris inseri fecimus litteris in hec verba: folgt wörtlich inseriert nr. 151. Ne autem super premissis in posterum aliquod dubium seu litis contencio valeat suboriri, presentes litteras nostrorum sigillorum munimine fecimus roborari. Datum in Bischaw¹ per manum magistri Vlrici nostri prothonotarii anno domini CLXVIIII, III. kalendas ianuarii presentibus testibus, qui sunt hii:^a magister Petrus cancellarius regni Boemie, magister Vlricus prothonotarius, magister Hainricus de Draechschirchen, Andreas camerarius noster, Gallus pincerna noster, Tybischius dapifer noster et plures alii fide digni.

Source Fulltext: FUCHS, Göttweig I (=FRA II/51, Wien 1901) S. 153