Nos Heinricus dei gracia abbas totusque conventus frafrum monasterii Chotwicensis tenore presencium profitemur et constare vollumus^a universis, quod cum felicis recor[d]acionis dominus Helmwicus, quondam abbas Chotwicensis, predecessor noster, de approbacione sui conventus et matura deliberacione habi[t]a fidelibus ecclesie nostre hominibus Chůnrado de Wolferevt et heredibus suis, filiis et filiabus tam genitis quam generandis b[o]na subnotata in feodo contulerit possidenda videlicet in Signrevt¹ mediam partem decime, Plezperg² mediam decimam, in dem Hof³ mediam decimam, datz dem Ernst⁴ mediam decimam, in Gestleins⁵ mediam decimam, in Pernhartsrevt⁶ mediam decimam, in Iungenslag⁷ mediam decimam, in Chv^eslag⁸ mediam decimam, in Meinharts⁹ mediam decimam, in Ekke¹⁰ dimidium talentum duos laneos solventes, de bonis in Geswent¹¹ sexaginta denarii annuatim in die sancti Martini iu[re] civili nostro monasterio poeriguntur.^b Hec bona supradicta ipsis in feodo, ut dictum est, contulit eo iure, quo ceteri ecclesie nostre homines gratulantur, pro quo dictus Chunradus de Wolferevt se sibi taliter obligavit, quod heredes suos iuxta consili[um] suum et voluntatem, dum tempus requirit, in matrimonium debeat copulare. Nos igitur predicte collacionis seu co[nc]essionis contractum ratum et gratum habentes ipsum innovamus ac innovando confirmamus, memorata bona v^olrico, Alberto filiis predicti Chůnradi de Wolfrevt et universis heredibus ipsorum, filiis et filiabus tam genitis quam generandis, tytulo conferimus feodali ob ipsorum servicia, quibus nobis placere meruerunt, preterita et futura. In cuius r[ei] memoriam presentem fecimus paginam sigillorum nostrorum impressionibus roborari. Huius rei testes sunt: Otto [p]rior, Petrus cantor, Ortolfus prepositus, Chunradus infirmarius, Helmwicus Asinus, Eberhardus, Rvgerus confratres nostri, Fridricus Sancte Petronelle et Jacobus in Haemveld ecclesiarum plebani, Albertus de Hohnstayn, Wicha[rd]us miles de Planchnstayn, Albertus de Lobnstayn, Otto de Weizznberch, Otto de Pergarn, Heinricus de [S]wellnpach, Marquardus de Tzwetla, Arnoldus de Dobra, Georius de Vizzling, Otto Comes, Perhtoldus in Ripa, Martinus de Weselndorf, Andreas et Cholomannus fratres et cives in Stayn, Chunradus et Levtwinus fratres de Hv^ornbach, Wisnto camerarius et alii quam plures fide digni. Datum in Chotwico anno domini millesimo tricentesimo,^c Iacobi apostoli, VIII. kalendas augusti, indictione XIII.

Source Fulltext: FUCHS, Göttweig I (=FRA II/51, Wien 1901) S. 234-236