Excusat me rei experientia, quod vocatus per vestrum nuntium piger extiti ad descensum, quia pro certo omnia, quae presens dicere potuissem, comprehendisse me credidi per scripturam. Et forte corpusculum meum aegritudinis praesensit angustias, quam fortiter sum expertus. Sed quia per dei gratiam spero me convalescere vestrumque negotium est in sapientum manibus tanquam in portis patentibus collocatum, si omnino praesentiam meam speratis, [nequeo]^a suffragari. Multum mihi placeret, si in tempus quadragesimae,^b quando Danubius incipit esse pervius, ut apud Chremsam vel in alio loco a Danubio non remoto electi arbitri convenirent, quod et prodesset pro habendis victualibus et habenda nihilominus accessuum et accedentium commoda facultate. Ego tamen ad vestrum imperium ducor et reducor, si salvator omnium mihi dederit sanitatem. Et certe absens corpore, praesens tamen spiritu et affectu tam apud dominum meum, venerabilem Pataviensem episcopum, quam alibi studiose feci omnia, quae causae credidi profutura.||
||
Ueberschrift: ,Wolfgangi epistola ad abbatem Gotwicensem, cur vocatus venire non potuerit, causam eius in tuto esse'.

Source Fulltext: FUCHS, Göttweig I (=FRA II/51, Wien 1901) S. 233