Wir Albrecht von gotes gnaden hertzog ze O^esterreich, ze Steyr und ze Kernden, tu^en chunt offenleich mit disem brief umb di vischwayd,¹ gelegen uinb den Chotas auf der chlainen Chrems, darumb unser lieber chapplan^a der abbt von Chotwig und unser getrew^en Reymprecht und Friderich von Walse von Ens mit einander gechriegt habent, daz derselb chrieg also vor unser ist berichtet und auzgetragen, daz di umsezzen umb di vo^ergeschriben vischwayd gesprochen und gesait habent, daz dieselb vischwayd allen leuten ein gemeineu vischwayd sol sein. Und davon wellen wir, daz dem vo^ergenanten abt und seinen leuten und ouch allen andern leuten an derselben vischwayd fu^erbaz nieman chain i^errung tue in dhainen weg. Mit u^erchund ditz briefs, der geben ist ze Wienn an gotesleichnamtag nach Christes gebu^erd dreutzehen hundert jar darnach in dem zway und vi^ertzkisten jar.

Source Fulltext: FUCHS, Göttweig I (=FRA II/51, Wien 1901) S. 397