Ich Hans von Wildekk und ich Vrsula sein hawsvraw^e und all unser erben wi^er vergehen offenbar mit dem gegenwu^ertigen brief und tu^en chunt allen den, di in ansehent lesent oder ho^erent lesen, di nu lebent oder hernach chumftig werdent, daz wi^er mit wolverdachtem mu^et und mit gesampter hant nach unser nechsten und pesten vrewnt rat und zu der zeit, do wi^er ez mit recht wol getu^en mochten, recht und redleichen verchawft haben unsers rechten aygens von erst unsern hof in dem Hallpach mit allen den eren rechten und nutzen, di dorzu^e geho^erent, ez sey ze veld ze holcze ze dorffe ez sey wismad fischwaid oder waeld wilpan oder yaid, ez sey gestift oder ungestift, versu^echt oder unversu^echt, wie so di genant sint. Wi^er haben auch verchawft all unser fischwaid in dem Hallpach von dem Obern Weizzenpach¹ untz in den Nidern Weizzenpach² und auch alle di fischwaid in allen den paechern, di zwischen den vorgenanten zwain marchen in den Hallpach fliezzent, dorauf wi^er di vischwaid gehabt haben, si sein getailt oder ungetailt. Wi^er haben auch verchawft in der pharr ze Hallpach von erst ain hofstat in dem Eschenpach,³ darauf di zeit gesezzen ist Rueger, dovon mon alle iar di^ent zwaintzich Wy^enner phenning an sand Michelstag und zwaintzich phenning ze weichna^echten und auch ain hof in dem Odenrewt,⁴ dorauf di zeit gesezzen ist Stephan und sein gemainer, dovon mon alle iar di^ent zwaintzich phenning an sand Poltentag und zwen chês ze phingsten halb Rabenstainer und ain achtail smaltz an sand Gilgentag und den hof am Loffelperig, dorauf di zeit gesezzen ist Lewtolt, dovon mon alle iar di^ent fumf phenning an sand Poltentag und zwen und dreizzich phenning an sand Michelstag und ain chês und fumftzehen ayer ze o^estern und ain chês ze phingsten und ain chês ze weichnachten halb Rabenstainer und ain faschanghu^en und ain hofstat an der Tantzstat,⁵ dorauf di zeit gesezzen ist Chu^enrat der Fruewi^ert, dovon mon alle iar di^ent zwelif phenning an sand Michelstag, und ain hofstat an der Tanzststat,⁵ dorauf di zeit gesezzen ist Margret di Schuestaerin, dovon mon alle iar di^ent zwelif phenning an sand Michelstag, und auch ain hofstat in dem Eschenpach,³ dorauf di zeit gesezzen ist Hertel der Schuester, dovon mon alle iar di^ent sechtzehen phenning an sand Poltentag und sechtzehen phenning an sand Michelstag und auch den hof an dem Salichekk,⁶ dorauf di zeit gesezzen ist Jacob, dovon mon alle iar di^ent viertzich phenning an sand Michelstag und zwaintzich phenning zu vaschang und ain chês und fumf und zwaintzich ayer ze o^estern und ain chês ze phingsten und ain chês ze weichnachten halb Rabenstainer, und den hof auf dem Tawr,⁷ dorauf di zeit gesezzen ist Chu^enrat, dovon mon alle iar di^ent dreizzich phenning an sand Poltentag und dreizzich phenning zu faschang und dreizzich ayer zu^e o^estern und vier chês ze phingsten halb Rabenstainer und zway herbsthu^ener an sand Michelstag und zway hu^ener zu faschang, und den hof am Sainhawffen, dorauf di zeit gesezzen ist Dy^etreich, dovon mon alle iar di^ent virtzehen phenning an sand Poltentag und zwen und dreizzich phenning an sand Michelstag und drey chês ze phingseten^a halb Rabenstainer, und den hof under dem Holcz, dorauf di zeit gesezzen ist Lewtolt, dovon mon alle iar di^ent zwaintzich phenning an sand Poltentag und sechtzehen phenning zu faschang und zwen chês und zwaintzich ayer ze ostern und zwen chês ze phingsten und zwen chês ze weichnachten halb Rabenstainer und zway herbsthu^ener an sand Michelstag, und den hof under der Leyten,⁸ dorauf di zeit gesezzen ist Rueger, dovon mon alle iar di^ent vi^ertzich phenning an sand Poltentag und ain halbz phunt phenning an sand Michelstag, und auch den hof an dem Lehen,⁹ dorauf di zeit gesezzen ist Jacob, dovon mon alle iar di^ent dreizzich phenning an sand Poltentag und ain halbz phunt phenning an sand Michelstag, und auch den hof in der^b A[w,¹⁰ dorauf d]i zeit gesezzen ist Hainreich der Phaffenhofer, dovon mon alle iar di^ent zwen und dreizzich phenning an sand Jorgentag und zwen und dreizzich phenning an sand Michelstag und am faschanghu^en. Wi^er haben auch verchawft unsern hof in dem Aertzpach,¹¹ dorauf di zeit gesezzen ist Wolfhart der Spenhaekchel, dovon mon alle iar di^ent zehen phenning an sand Jorgentag und zwaintzich phenning an sand Poltentag und fumftzich phenning an sand Michelstag und zway faschanghu^ener, und auch unsern wald doselbs in dem Aertzpacb¹¹ mit alle dew, und dorzu^e geho^ert, swie so daz genant ist, ez sey wildpan oder jayd oder waz wi^er dorauf gehabt haben. Wi^er haben auch verchawft unsern hof in dem Hallpach an der Hinderleyten,¹² dorauf di zeit gesezzen ist Jacob der Chunringer mit allen den rechten und nutzen, als wi^er den vorgenanten hof gehabt haben, aber nur alain auf des vorgenanten [570] Chunringerhof, daz yaid haben wi^er nicht verchawft, und dovon mon alle iar di^ent ain halbz phunt phenning an sand Poltentag und ain halbz phunt phenning an sand Michelstag. Wi^er haben i^en auch verchawft unsern getraidzehent in dem Hallpach, von erst an dem Loffelperig¹³ gantzen getraidzehent, und an dem Stainhawffen¹⁴ gantzen getraidzehent, in dem o^edem Gerewt⁴ gantzen getraidzehent, in dem Hallpach auf aim gu^et, daz Nicla unser dinaer von uns ze lehen hat und daz gelegen ist zwischen seim hof und des Chunringer hof in dem Hallpach, da di zeit aufgesezzen ist Chu^enrat, gantzen getraidzehent und in dem Fewchtêch¹⁵ auf Perchtolts des Stewzzen gu^et ain vi^ertail getraidzehent. Darzu^e haben wi^er auch verchawft allew unsrew gueter, all unser waeld, all unser fischwaid, all unsern wildpan, all unser yaid und auch allez daz, daz wi^er di zeit in dem Hallpach gehabt haben. Wi^er haben auch verchawft in Veytinger pharr: von erst den hof am Aschaech,¹⁶ dorauf di zeit gesezzen ist Dy^emo^et di witib, dovon mon alle iar di^ent sibentzich phenning an sand Poltentag und ain und fumftzich phenning an sand Mertentag, und ain pewnt an der Ho^ehenstef, dovon man alle iar di^ent fumf phenning ze o^estern, und auch den halben hof ym Pangraben,¹⁷ dorauf di zeit gesezzen ist Hainreich der Schartter, dovon mon alle iar di^ent sechtzich phenning an sand Poltentag und sechtzich phenning an sand Michelstag, und auch den hof ym Wogpach,¹⁸ darauf di zeit gesezzen ist Dytreich am Pawmweg,¹⁹ dovon mon alle iar di^ent fumftzich phenning an sand Poltentag und sechs und viertzich phenning an sand Michelstag und auch den hof in dem Lueg,²⁰ dorauf di zeit gesezzen ist Lewtolt, davon mon alle iar di^ent zwen und dreizzich phenning an sand Poltentag. Di vorgenanten gueter mit dem vorgeschriben rechten haben wi^er recht und redleichen ze chawffen geben den erbern und geystleichen herren abt Vlreichen und dem convent des gotzhaws ze Chotweig umb vierdhalb hundert phunt Wy^enner phenning, der wi^er gantz und gar gericht und gewert sein also beschaidenleich, daz si di vorgenanten gu^eter, ez sein hof hofstet fischwaid weld wildpan oder yaid, swie so di genant sint, und auch mit alle dew und dorzu^e geho^ert, mit den vorgeschriben rechten in nutz und gewer inne sullen haben und nutzen und niezzen, als aygens recht ist und des landes recht in O^esterreich und mugen auch furbaz allen i^eren frumen domit schaffen versetzen verchawffen schaffen machen geben, wem si wellent, an allen y^ersal. Wi^er sein auch ich vorgenanter Hans von Wildekk und mein vorgenante wi^ertin und all unser erben der vorgenanten gueter und der vorgenanten fischwaid und der vorgenanten wêld und der vorgenanten wildpan und des vorgenanten yaids und waz dorzu^e geho^ert mit den vorgeschriben rechten, des vorgenanten abt Vlreichs und des convents des gotzhaws ze Chotweig recht scherm und gewern fur all ansprech, als aygens recht ist und des landes recht in o^esterreich. Waer aber, daz si mit recht icht chrieges oder ansprech gewunnen, von wem daz wêr, waz si des schaden, nemen, den i^er ainer oder i^er anbalt bey seinem trewn ungesworn gesprechen mocht, den sullen wi^er in gantz und gar ablegen und auzrichten an all i^er mue und an allen i^eren schaden und sullen auch si daz haben auf uns unverschaidenleich und auf aller unser hab, di wi^er haben oder lazzen in dem land ze o^esterreich oder wo wi^er sey haben, ez sey eribgu^et oder varuntgu^et, wi^er sein lebentich oder tod. Und daz loben wi^er in allez ze laysten mit unsern trewn an allez gevaer. Und daz in di sache und di Wandlung furbaz also stêt und unczerbrochen beleib, daruber geben wi^er in, ich vorgenanter Hans von Wildekk und mein erben dem vorgenanten geystleichen herren abt Vlreichen und dem Convent des gotzhaws ze Chotweig den prief versygelten mit meim anhangundem insygel und meines lieben vettern insygel hern Ir^enfrides des Clementer und mit meins lieben ohaims insygel hern Wernharts des Ladendorffer und mit meins lieben swager insygel hern Hansen des Sŷdendorffer und mit meins lieben swager insygel hern Lewpolts des Sŷdendorffer und mit meins lieben ohaims insygel hern Christans des Ro^erer, di wi^er all vleizzich dorumb gepeten haben, daz si irew insigel an den prief gelegt habent zu einem waren urchunde der sache. Der prief ist geben nach Christi gepu^erd über dreutzehen hundert iar darnach in dem siben und sechtzigisten iar an sand Mertentag.

Source Fulltext: FUCHS, Göttweig I (=FRA II/51, Wien 1901) S. 567-571