Ich Walchuen der Weichselpech^a und ich Peter der Ruspech und ich Margret di^e Ruspechin sein mu^eter und ich Gerig und Rvedel pru^eder die Smidwech^en und ich Peters di Smidwechin i^er mu^eter und ich Albel der Siernicher und ich Chvnigund di Si^ernicherin sein mu^eter und all unser erb^en wir verieh^en und tuen chund mit dem prief, daz wi^er uns verzig^en habn und auch verczeichen aller der ansprich, di^e wi^er gehabt hab^en hincz dem gu^et auf dem Schach^en,¹ daweill^en Wolhart aufgesess^en ist, daz unser o^ech^em Ru^eger der Weichselpech, dem got genad, hat geb^en seiner tochter Annen und Jansen, Hainreich sun auf dem Schach^en, ir^em wi^ert und all^en ir^en erb^en, daz se mit dem vorgenanten gu^et all^en iri^en frum schaf^efn schull^en, alz in daz aller pest chu^emt und fu^egt, an alle i^errung mit unserm gu^etleich^em will^en nach des prief sag, den si von dem vorgenantn Ru^egern dem Weichselpech^en unsers och^ems hab^ent. Und daz di^e red sta^et und unczebroch^en weleib, darüber geb wi^er in den prief versigelten mit unsern anhangund^en insigil^en und wi^er vorgenanten vrown Margret di Ruspechin und Peters di Smidwechin und Chunigund di Si^ernicherin verpintn uns under unser vorgenant^en su^en insigeln aller der gelu^eb sta^et ze haben, di an dem prief geschrib^en stent, wan wi^er aygner insigil^en nicht hab^en. Und dez sind auch geczeug^en di erbern Niclo der Hager von Ti^emdorf² und Stephan der Schrofer mit ir^en anhangund^en insigil^en in an schaden. Geb^en ze Oberndorf nach Christi gepu^erd drewczeh^enhundert iar, darnach in dem drey und sib^enczigist^em iar dez nachst^en mantags nach dem heilig^en ostertag.

Source Fulltext: FUCHS, Göttweig I (=FRA II/51, Wien 1901) S. 609-610