Ich Jans von Ro^erenpach vergich offenbar mit dem brief allen lewten gegenwu^ertigen und chumftigen, daz ich mit wolverdachtem mu^et und nach meiner nêchsten und pesten vrewnt rat und auch zu der zeit, do ich ez mit recht wol getu^en mocht, und auch mit meins gnadigen purchherren hant abpt Vlreichs ze Chotweig recht und redleichen gemacht und geben han zu rechter margengab nach des landes recht ze O^esterreich meiner lieben hausvraw^en, vraw^en Elzbeten Merten des Trellen tochter von Ekchendorf¹ saeligen fur achtzik phunt gemainer Wy^enner phenning von erst mein hof^a gelegen ze Ekchendorf mit allen den eren rechten und nutzen, di dorzu^e geho^erent ze veld und ze dorffe, gestift und ungestift, versu^echt oder unversu^echt, wie daz genant ist, und auch in allen den rechten, als ich in gechauft han von Otten dem Wyser, dovon mon alle iar dint ze pu^erchrecht dem vorgenanten herren und seinem gotzhaws ze Chotweig sibentzehen Wynner phenning an unsrer vraw^en tag zu der ly^echtmesse und nicht mer, und ain o^ede hofstat, di do leit zenêchst dem hof, dovon mon alle iar di^ent ze pu^erchrecht dem gotzhaws ze Chotweig zehen Wy^enner phenning an unsrer vraw^en tag ze der ly^echtmess, und ainen chrautgarten, der do leit an dem hof, dovon mon alle iar di^ent ze pu^erchrecht dem gotzhaws ze Chotweig ain phenning an unsrer vraw^en tag zu der ly^echtmess, und zway jeuch akchers, di do ligent hinten an dem hof, dovon mon alle iar dint ze pu^erchrecht dem gotzhaws ze Chotweig virtzehen phenning an unser vraw^en tag zu der ly^echtmess, und ainen akcher an der Challeiten,² dovon mon alle iar dint ze pu^erchrecht dem gotzhaws ze Chotweig an unsrer vraw^en tag zu der ly^echtmess, und ainen akcher auf dem Ho^echrain, dovon mon alle iar dint ze pu^erchrecht dem gotzhaws ze Chotweig vi^er phenning an unsrer vraw^en tag zu der ly^echtmess und ainen akcher in der Fuchaw^e, dovon mon alle iar dint ze pu^erchrecht dem gotzhaws ze Chotweig vir phenning an unsrer vraw^en tag zu der ly^echtmess, und ain akcher an Fuchawerweg obs dorffes, dovon mon alle iar dint ze pu^erchrecht dem gotzhaws ze Chotweig vir phenning an unsrer vraw^en tag zu der ly^echtmess, und ain akcher bey dem Hornpach, dovon mon alle jar dint ze pu^erchrecht dem gotzhaws ze Chotweig vir phenning an unsrer vrawn tag zu der lychtmess, und ayn pewnt ze Gro^ezzenprenn, dovon mon alle jar dint ze pu^erchrecht dem gotzhaws ze Chotweig aecht phenning an sand Jorgentag, und ain akcher an der Fuchaw und haizt der Tymmiger, dovon mon alle iar dint ze pu^erchrecht dem gotzhaws ze Chotweig sechs phenning an sand Mychelstag, und von ainem virtail weingarten gelegen ze Chrutsteten, dovon mon alle iar dint ze pu^erchrecht dem gotzhaws ze Chotweig ain helbling an sand Mychelstag, und von ainem pawmgertlein doselbs ze Chrusteten, dovon mon alle iar dint ze puerchrecht dem gotzhaws ze Chotweig ain phenning an sand Michelstag, und auch von ainem pawmgarten doselbs zu Chrusteten, dovon mon alle iar dint ze pu^erchrecht dem gotzhaws ze Chotweig vir phenning an sand Mychelstag und in ain weinzurlgericht in Chrusteten zwen phenning an sand Michelstag und auch alle iar ain gantz phunt wachs zu dem ly^echt gen Chotweig zu der pharr, und von zwain jeuch akchers, gelegen an der Fuchaw^e, diweiln der Sluntzin gewesen sint, dovon mon alle iar dint ze purchrecht dem gotzhaus ze Chotweig aecht phenning an sand Mertentag und drew jeuch akchers gelegen an der Hinterleiten³ ze Fuchaw, dovon mon alle iar dint ze purchrecht in der herren cheller sechs und dreizzig phenning gen Chotweig an sand Chunegundentag und von drin virtail weingarten gelegen an der Fuchaw, dovon mon alle iar dint ze perchrecht drew virtail weins in dem lesen Prawn von Rugendorf, und ain holtz, daz do leit ze Herfu^ert an der Swartzenleiten⁴ und daz weiln ze lehen ist gewesen von dem Raetelperiger und nu ze lehen ist von dem gotzhaws ze Chotweig also mit auzgenomer red: ist, daz mein vorgenant hausvraw^e, vraw^e Elzbet chint mit mir gewinnet, do schol denn der vorgenant hof mit aller seiner zu^egehorung und di vorgenanten guter nach unsrer paider tod auferben und gevallen an alle widerred. Wêr aber, daz ich vorgenanter Hans von Ro^erenpach sturb und diselb mein vorgenant hausvraw^e, vraw Elzbet nicht chint mir gewunne, des got nicht geb, dennoch so schol si den vorgenanten hof ze Ekchendorf mit aller seiner zu^egehorung und di vorgenanten gu^eter in nutz und in gewer innehaben unverchumbert untz an irn tod, als margengabrecht ist und des landes recht in o^esterreich. Wenn aber daz ist, daz mein vorgenant hausvraw^e abget mit dem tod und nicht ist, so schol denn der vorgenant hof mit aller seiner zuegehorung und di vorgenanten gu^eter alle herwider erben und gevallen auf mein nachst erben, do si denn ze recht hinerben und gevallen schullen an allen chrieg und y^ersal. Ich pin auch vorgenanter Hans von Ro^erenpach der vorgenanten gu^eter meiner hausvraw^en, vraw^en Elzbeten recht scherm und gewer fur all ansprach, als lehens pu^erchrecht und perchrecht und margengab recht ist und des landes recht in o^esterreich. Ging ir aber doran icht ab mit recht, daz schol si haben auf aller der hab, di ich hab oder lazze in dem land ze Osterreich oder wo ich sey hab, eribgu^et oder varuntgut und dovon bechomen mit meim gutleichen willen, ich sei lebentig oder tod. Und daz ir di margengab furbaz also stêt und unczerbrochen beleib, doruber gib ich ir den prief versigelten mit meim anhangunden insygel. Dorzu^e hab ich auch vleizzig gepeten meinen gnaedigen herren abt Vlreichen ze Chotweig und Wernhart den Frel von Prunn und Maricharten den Pokchsendorffer von Mewrling, daz di irew insigill an den brief gelegt habent zu einem warn gezeug der sache in an schaden. Der prief ist geben nach Christi gepu^ert über drewtzehen hundert jar dornach in dem fumf und sybentzkistem iar an unsrer vraw^en tag zu der ly^echtmesse.

Source Fulltext: FUCHS, Göttweig I (=FRA II/51, Wien 1901) S. 617-619