Wir Leupolt von gots gnaden herczog ze O^esterreich, ze Steyr, ze Kernden und ze Krain, graf ze Tyrol etc. veriehen und tu^en kunt offenleich mit disem brief fu^er uns und unser erben, als unser lieben getrew^en Wernhart von Meissaw, lantmarschalch, Alber von Pu^echaim, obrister drugsêtz in o^esterreich, Hainreich von Walsse, haubtman ob der Ens, und Ott von Zelking von Scho^ennegg sich fu^er uns gen dem edeln unserm lieben o^eheim graf Hainreichen von Schaw^enberg zu selbgescholn und pu^ergel verschriben und verpunden habent umb acht tausent phunt Wienner phenning von des kauffes wegen ze Ort nach sag des briefs, den der egenante von Schaw^enberg von uns und von in darumb hat, haben wir verhaizzen und gelobt, verhaizzen und geloben auch mit disem brief, daz wir si und ir erben an allen schaden davon bringen und ziehen wellen an alles geverde mit urkund ditz briefs. Geben ze Grêcz an eritag nach des heiligen chrêutz tag ze herbst nach Kristi gebu^erd dreuczehenhundert iar darnach in dem siben und sibenczigisten jar.

Source Fulltext: FUCHS, Göttweig I (=FRA II/51, Wien 1901) S. 640-641