Reverendissimo in Christo patri ac domino suo graciosodomino Alberto ecclesie Pataviensis^a episcopo Vlricus abbas monasterii in Chotwico ordinis sancti Benedicti in omnibus obedienciam et in Christo preces humiles ac devotas vestre paternitatis gracie una cum domino Georio rectore ecclesie parochialis in Haynfeld et civibus ibidem humiliter notifico per presentes, quomodo Iohanes et Otto patrui dicti Tewfel, Iohanes iudex, Hainricus Chramer, Lewtoldus Hetzel, Chunradus Pukcher, Ekblinus Zikch eciam cum auxilio aliorum civium ibidem pie devocionis affectu ad gloriam dei et honorem beate Marie semper virginis et omnium sanctoruni ac beati Andree apostoli patroni in dicta ecclesia Haynfeld, cuius ius patronatus seu presentacionis ad me racione dicti pertinet monasterii et ob salutem animarum suarum predecessorum seu successorum suorum ac omnium fidelium defunctorum et ipsius ecclesie profectum dotare decreverunt et fundaverunt de meo et dicti rectoris consilio et consensu quandam missam in ecclesia predicta perpet[uis tem]poribusa omni die celebrandam per plebanum aut eius cappellanum ibidem vel eciam cum suorum subsidio sociorum ita, quod missa non negligatur, sed diebus ferialibus, quando populus non vacat de mane, diebus autem solempnibus festivis et dominicis ac funere presente, sed non parvulorum et in exequiis anniversariis infra publicam missa celebrabitur antedicta, et plebanus debebit habere specialem cappellanum ad prefatam missam, quod tamen divinus cultus prius ibidem conswetus non minuatur, quociens autem absque arduissima necessitate missa neglecta fuerit, tociens rector ecclesie obligabitur et dare debebit ad melioracionem candelarum vel cereorum in dicta ecclesia Hainfeld unam dimidiam libram cere sine contradiccione, ad cuius cere solucionem eundem rectorem vester officialis in Wy^enna qui fuerit aut decanus in Tulna per censuram ecclesiasticam coartabit. Item ad dicte misse fundacionem prefati lohanes et Otto cum dictis civibus assignaverunt dederunt et donaverunt ecclesie predicte et eius rectori quindecim libras denariorum Wy^ennensium in annuis reditibus super bene fundatis et certis bonis propriis emptis per eos a domino Marichardo dicto Hewsler et aliunde, prout in litteris empcionis bonorum predictorum contmetur. Predicta autem bona cum colonis perpetue pertinere debebunt ad dictam ecclesiam in Haynfeld et eius rectorem cum omnibus et singulis proprietatibus pertinenciis fructibus et potestate instituendi et destituendi conferendi et omni iure, quemadmodum dicta bona prius per dictos dominum Marichardum, Iohanem et Ottonem et suos predecessores habita sunt et possessa salvo, quod prefatus lohanes dictus Tewfel et eius veri heredes in et super bonis ad eos paterna hereditate devolutis, que ad dictam fundacionem contulerunt, videlicet tribus curiis tantum scilicet auf dem Nidern Ho^ehenwerikch¹ et Scho^enleiten² et ym Satel advocaciam obtinebunt. Similiter Otto dictus Tewfel et sui veri heredes in et super bonis ad eos paterna hereditate devolutis, que ad dictam fundacionem. dederunt, eciam advocaciam habebunt et a quolibet huiusmodi colono unum pullum et non plus anuatim iure advocacie recipere debebunt, ut fide promiserunt, et quod ipsi dictos colonos et bona debebunt defendere fideliter et tueri ac uterque eorum in paternis bonis predictis sue partis hereditarie advocatus et defensor existat, in quo si negligentes fuerint, ad id per marschalcum principum Austrie compellentur. In aliis autem bonis predictis rector eiusdem ecclesie, qui fuerit libere facultatis, habebit arbitrium de vestre gracie consensu ac de meo vel successoris mei consilio advocatum sumere dominum Stephanum de Ho^ehenwerkch vel alium competentem non hereditarie sed mobiliter, prout expediens videbitur aut necesse. Item quando contigerit aliquid imponi dicte ecclesie racione sedis apostolice vel procuracionis legatorum eiusdem sedis vel caritativi subsidii vestre gracie vel successoribus vestris porrigendi vel potestative per principes de facto postulande, quando communiter alii plebani suinpserint subsidium a suis colonis ad huiusmodi solucionem, extunc et non alias idem rector ecclesie in Haynfeld moderatam partem a dictis colonis recipiet, quo non nimium agraventur. Item quando alique dictorum bonorum vacaverint per vendicionem aut consimiliter resignans pplebano^b et de manu eius recipiens quilibet dabit octo denarios Wynnenses de curia, sed de arca vel curtili tantum quatuor denarii porrigentur. Litere quoque confirmacionis fundacionis et empcionis bonorum predictorum in loco speciali deponentur duabus seris clauso, quod plebanus habeat unam clavem et copiam, si voluerit, et similiter unus civium, cui alii cives comiserint, quod tempore necessitatis ad principalia recursus habeatur. Unde reverendam paternitatis vestre graciam cum plebano et fundatoribus predictis humiliter deprecor et devote, cum per dictam fundacionem divinus cultus augetur et nullum preiudicium michi tanquam patrono nec ecclesie predicte vel eius rectori, sed ' profectus et utilitas generatur et quia dictus rector ecclesie est contentus in dictis reditibus, qui ad onera dicte misse sufficere dinoscuntur, quatenus dictam fundacionem auctori[tate]^a ordinaria dignemini confirmare adiciendo penam canonicam, ut dicte misse celebracio futuris temporibus secundum affectum fundatorum ut premittitur [cum e]ffectu^a iugiter observetur. Datum in Chotwico anno domini millesimo trecentesimo septuagesimo octavo feria sexta proxima post Math[ie apostoli]^a mei Vlrici abbatis predicti et memorati Georii plebani in Haynfeld sub sigillis.

Source Fulltext: FUCHS, Göttweig I (=FRA II/51, Wien 1901) S. 644-647