Urbanus episcopus, servus servorum dei, venerabili fratri episcopo Pataviensi salutein et apostolicam benedictionem. Dilecti filii Nicolai Hainrici de Sancto Yppolito, pauperis clerici tue dyocesis, apud sedem apostolicam constituti supplicacionibus inclinati fraternitati tue per apostolica scripta mandamus, quatenus de vita et conversacione ipsius clerici, qui ut asserit beneficium aliud ecclesiasticum non obtinet et quem per certos examinatores super hoc deputatos a nobis de litteratura examinari fecimus diligenter quique in illa repertus est ydoneus ad ecclesiasticum beneficium obtinendum, solerter inquirens, si eum vite laudabilis et honeste conversacionis esse reppereris et aliud beneficium ecclesiasticum non obtineat aliudque canonicum non obsistat ei de aliquo beneficio ecclesiastico cum cura vel sine cura^a consueto ab olim clericis secularibus assignari, dummodo in ecclesia kathedrali non existat, cuius fructus redditus et proventus, si cum cura, viginti, si vero sine cura fuerit vel si taxatum non fuerit, secundum quod de ipso pro decima communiter persolvi consuevit, valorem annuum non excedat, ad collacionem vel presentacioneni dilectorum filiorum prepositi, decani et capituli ecclesie Pataviensis communiter pertinente, si quod in civitate vel dyocesi pataviensi vacat ad presens vel cum vacaverit, quod idem clericus infra unius mensis spacium, postquam sibi de ipsius beneficii vacacîone constiterit, duxerit acceptandum, auctoritate nostra providere procures inducens per te vel alium seu alios eundem clericum in corporalem possessionem huiusmodi beneficii et defendens inductum ac faciens ipsum ad illud, eciamsi canonicatus et prebenda fuerit, ut est moris admitti sibique de ipsius beneficii fructibus redditibus proventibus iuribus et obvencionibus universis integre responderi, contradictores per censuram ecclesiasticam appellacione postposita compescendo non obstantibus, si aliqui super provisionibus sibi faciendis de huiusmodi vel aliis beneficiis ecclesiasticis in illis partibus speciales vel generales dicte sedis vel legatorum eius sub quacumque verborum forma litteras impetrarint, eciamsi per eas ad inhibicionem reservacionern et decretum vel alias quomodolibet sit processum, quibus omnibus praeterquam auctoritate nostra huiusmodi beneficia expectantibus in eiusdem beneficii assecucione dictum clericum volumus anteferri, sed nullum per hoc eis quoad assecucionem beneficiorum aliorum preiudicium generari seu si eisdem preposito decano et capitulo vel quibusvis aliis communiter vel divisim ab eadem sit sede indultum, quod ad recepcionem vel provisionem alicuius minime teneantur et ad id compelli aut quod interdici suspendi vel excommunicari non possint quodque de beneficiis ecclesiasticis ad eorum collacionem vel provisionem comunctim vel separatim spectantibus nulli valeat provideri per litteras apostolicas non facientes plenam et expressam ac de verbo ad verbum de indulto huiusmodi mencionem et qualibet alia dicte sedis indulgencia generali vel speciali, cuiuscmnque tenoris exsistat, per quam presentibus non expressam vel totaliter non insertam effectus earum impediri valeat quomodolibet vel differri et de qua cuiusque toto tenore habenda sit in nostris litteris mencio specialis. Volumus autem, quod si tu presentes litteras non potueris seu volueris exequi, dilecti filii, prepositus et decanus ecclesie omniuni sanctorum in Wienna Pataviensis dyocesis litteras ipsas ac omnia et singula in eis contenta secundum nostrarum litterarum tenorem exequi possint et debeant, super quo eis tenore presencium mandatum damus et eciam potestatem et insuper prefatis preposito decano et capitulo, ne de huiusmodi beneficio interim eciam ante insinuacionem presencium et processuum per eas habitorum eis factam, nisi postquam ei[s c]onstiterit,^b quod idem clericus beneficium huiusmodi acceptare noluerit, disponere quoquomodo presumant, districcius inhibemus decernentes irritum [et]^b inane, si secus super premissis a quoquam quavis auctoritate scienter vel ignoranter contigerit attemptari. Datum Rome apud Sanctum Petrum i[dibus]^b maii, pontificatus nostri anno primo.

Source Fulltext: FUCHS, Göttweig I (=FRA II/51, Wien 1901) S. 647-649