Wi^er Albrecht von got^es gnaden herczog ze O^esterreich, ze Steyr, ze Kernden und ze Krain, graf ze Tyrol etc. tun chunt umb die chrieg und stozz, die gewesen sind zwischen den erbern geistlichen unsern lieben andêchtigen dem abt und dem convent zem Ko^etweig von ir^es goczhuses wegen an aim tail und unsern getrewn den purgern gemainlich ze Krems und ze Stain an dem andern tail von ains werdes wegen gelegen gegen unserm slu^ezzelhof uber ze Krems der nawfart nach, den unser lieber brůder herczog Růdolf selig den vorgenanten unsern purgern ze Krems und ze Stain gegeben hat uncz an des apt^es werd, daz si ze pederseit derselben stozz gênczlich hinder uns gegangen sind also, was wi^er darumb zwischen in sprechen, daz si das stet halten und genczlich volfu^eren wolten. Da sprechen wi^er des ersten, daz dem vorgenanten abt und dem convent zem Ko^etweig der egenant werd geleich halber der leng nach ab, der an seinen werd stozzet, gevallen und beleiben sol an i^errung, so sol den obgenanten unsern purgern ze Krems und ze Stain der ander halb tail ze geleicher weis ouch beleiben an all i^errung und hindernuzz ungeverlich. Dann umb di vischwaid in dem geschaid, gnant di Altach, di in demselben werd ist, die sullen si ouch ze pederseitt geleich mit einander tauen also, daz yetwederm tail der halb tail des geschaides widervare ungeverlich. Davon gebieten wi^er peden tauen und wellen, daz si das also stet halten und volfuren und dawider nicht tůn in dhain weg mit urkund dicz briefs. Geben ze Wienn an sand Thomas abend nach Krist^es gepu^erd dreuczehenhundert iar darnach in dem acht und sibenczigistem jare.

Source Fulltext: FUCHS, Göttweig I (=FRA II/51, Wien 1901) S. 654-655