Ich Pu^erkhart der Lochler, zu den zeiten veldrichter y^ennerthalben des Champs, ich Gilig dizeit dez rats und Judenrichter ze Chrems, ich Pawls der Chraw^etwu^ermb, dizeit der hochgebo^ern fu^ersten in Österreich sluzzler ze Chrems, und ich Chu^enrat Reichersperger, dizeit o^ebrister spitalmeister doselben, ich Hainreich Ra^ekkinger, dizeit des rats und ungelter ze Chrems und ze Stain, und ich Vlreich Schu^eell, pu^erger doselben, veriechen offenlichen mit dem brif und tun chu^ent allen la^ewten lembtigen und chu^enftigen umb die stozz chrieg und misshelu^eng, so gewesen ist zwischen dez erbi^erdigen gastlichen herren abpt VIreichs unser vrow^en gotshaw^es ze Chotweig und seines conventes doselben an aÿnem tail und dez erbi^erdigen gastlichs herren abpt Petreins von Engelzell und seines gotshaw^es doselben an dem ändern tail umb aÿn werdel, daz gelegen ist gegen dez vorgenanten gotshaw^es von Chotweig new^en werd über, des selbigen chriegs stozz und mishelunng synd sŷ paidenthalben unpetwu^engenlichen mit i^erem gu^etlichen willen hinder uns vorgenant sechs gegangen und habent uns vleizzik gepeten, daz wi^er zwischen in erfu^enden my^enn recht und gu^eet, und was wi^er danne spra^echen und erfu^enden, daz wollen sy angevêr gern statt haben und ga^entzlichen volfu^eren, alz sy dez i^er geho^ell prif daru^emb gegen einander geben habent. Nu^e haben wi^er zu^esambt uns genomen den weschaiden Hainreich den Wiert von Wagraÿn und haben nach unsern trew^en gesprochen und sprechen auch mit dem brief daz vorgenant werdel geleiches du^erich längs auf von einander und enzway, alz daz auch a^eusgetailt und gemaricht ist, den aÿn tail, der gelegen ist zena^egst dez vorvorgenanten gotshaw^es von Chotweig new^en werd, haben wir gesprochen mit lant mit holcz dem egenanten gotshaw^es zu^e Chotweig und sprechen den andern halben tail dez obgenanten werdleins gelegen lantzhalben an mit lant und mit holtz dem egenanten gotshaw^es ze Engelzell und sprechen a^euch, swelichem tail fu^erbas icht ansprach oder chrigs auferstund hintz seinem tail, von wem daz wêr, derselbig tail scho^el auch seinen tail an des andern tail mu^ee und schaden ausrichten. Und des ze aynem waren festen ewigen urchu^end geben wi^er dem vorgenanten gotshaw^es ze Chotweig den offen brif versigelten mit unser vorgenanten sechs spru^echlaw^eten anhangunden insigel. Geben nach Christi gepu^erd drew^etzehen hundert jar und darnach in dem new^en und sibentzken^a jar an sand Jorgentag.

Source Fulltext: FUCHS, Göttweig I (=FRA II/51, Wien 1901) S. 658-659