Ich Gilig der Schreiber, di zeit gesezzen auf dem Aigen undêr dem Cho^etweig, und ich Eysal sein hausvrow^e wi^er veriehen offenbar mit dem brief und tu^en chunt allen lew^eten gegenbu^ertigen und chu^enftigen, daz wi^er unserm lieben su^en Mathesen zu^e seiner hausfrov^on, frawn Annen alle dy hab halbe geben haben, di wi^er haben in dem land ze Osterri^ech, zu^e rechter margengab nach des lands recht in o^esterreich und in den rechten, als hernach geschriben stent, si sein gestift oder ungestift, versu^echt oder unversu^echt, wie die genant ist und auch mit herren hant von erst: daz halb haws auf dem Aigen und leit pei Andres des Gu^etschu^echs haws, dovon man all iar geit ze pu^erchrecht von dem ganczen haws in der herren oblay gen Chotweig zwelif Wienner phenning an sand Mertentag, und ain garten hinden doran und geho^ert zu^e dem genanten haws, und ain garten, haist dy Glu^erren, zu^enachst dem haws halben, davon man all iar dient in die egenant oblay sechzehen phening an sand Mertentag, und di nu^espawm auf der Schu^ett halb, davon man geit ze pu^erchrecht in di egenant oblay und egenanten tag von in allen zwen phening, und ain wysel halbs enhalb des Hals¹ und sto^est mit dem obern o^ert an des gotzhaws wys, dovon man all iar geit in di vorgenant oblay an sand Mertentag von der ganczen wys vier phening, und ain garten in dem Altenpach² gelegen zeno^echst des langen garten, davon man all iar geit ze pu^erchrecht dem erbern geistleichen herren abpt Fridreichen ab dem Cho^etweig und sein nachcho^emen an sand Cholmanstag sechs phenning, und von der Schutt und des ga^ertleins und dy ereilen und dy velibêr hinderhalb des pachs, davon man alle iar dient dem egenanten gotshaws vi^erdhalben phening an dem egenanten tag, und ain ga^ertel in dem Altenpach halbs, daz do leit zeno^egst Haimleins garten, davon man dient dem egenanten gotzhaws ze pu^erchrecht auch an sand Cholmanstag sechs phening, und ain o^ert und drew^e vi^ertail Weingarten, davon man alle iar dient dem egenanten goczhaws achczehenthalben phenning an sand Michelstag halben, und leit zena^egst niderhalb des chuchenmaister Weingarten und zenogst Po^eppleins Weingarten und haist der Hager, und ain vi^ertal Weingarten halbs doselbs, davon man dient zu^e pu^erchrecht in der Cho^elhofin lehen fu^emf phenning an sand Michelstag, und ain veldlehen halbs, des vi^erdhalb iêuch sind, und ain tagwerch wismad in dem Au^essenpach,³ davon man all iar dient ze pu^erchrecht fu^emf und dreizzik phening an sand Michelstag, und ain chrautgarten ze holcz in dem Awzzemervang, davon man all iar dient ze pu^erchreeht Haimlem auf dem Aigen^a a^echt phening an sand Cholmanstag, also mit awsgeno^emen^er red: ist, daz unser vorgenanter su^en mit seiner hausfrawn, frawn Annen chinder gewint, do schu^ellen dann di egenant gut nach ir^er paider to^ed auferiben und gevallen an all chrieg und irr^esal. Wa^er aber, daz unser vorgenant su^en mit seiner hausfraw^en, frawn Annen nicht chind gewunen, des got nicht geb, und er ee abgieng mit dem to^ed wenn sein hausfraw^e, dennoch schol si die egenanten gu^eter alle innhaben unverchumert untz an i^ern to^ed, als margengab recht ist und landes recht in Ostreich, und nach i^erem to^ed so schu^eln di egenanten gu^eter auf mich Giligen den Schreiber und Eysaln sein hausfrawn und auf all unser eriben, do si von recht hineriben schu^ellen Awer dy vi^ertzehen phunt phening, di vor di vorgenant Anna zu unserm su^en Mathesen pracht hat, dieselben phenning die schullen pei i^er paider chinder., di si mit einander gewinnent und hinder in lemtig lazzent, bleiben. Wa^er awer, daz si paide mit dem to^ed abgiengen und chain lembtigs chind hinder in liezzen, di si mit einander hieten, so schu^ellen di vi^erzehen phunt phenning herwider gevallen auf hern Chu^enraten von Liechtenek und auf sein hausfraw^e Johanna und auf i^er eriben. Und wann ich vorgenanter Gilig und ich Eysal sein hausfraw^e nicht aigens insigel haben, so hab wi^er gepeten unsern erbern geistleichen herren abpt Fridreichen zu^e Cho^ettweig, unsern rechten gru^entherren und purchherren, vleizzichleichen durch unser pet willen, daz er der sach zeug ist zu^e ainer offenbaren urchu^end mit seim anhangunden insigel. Dorzu^e hab wi^er auch gepeten den erbern chnecht Otten den Wyser, daz er auch der sach zeug ist mit seim anhangunden insigel im und sein eriben an schaden. Der prief ist geben nach Christo gepu^erd drewtzehen hundert iar darnach in dem sechs und achtziksten jar an sand Niclastag vor weynachten.

Source Fulltext: FUCHS, Göttweig I (=FRA II/51, Wien 1901) S. 704-706