Leonardus Schawr, licenciatus in decretis, Ratisponensis et Pataviensis ecclesiarum canonicus, officialis curie Pataviensis, executor ad infrascripta a sede apostolica specialiter deputatus universis, ad quos presentes pervenerint, salutem in domino. Et mandatis nostris, ymo verius apostolicis obedire pridem auctoritate et vigore literarum sanctissimi in Christo patris ac domini nostri, domini Vrbani divina providencia pape sexti parrochiales ecclesias in Nelib, Hofsteten et in Mautarnn Pataviensis diocesis cum omnibus iuribus et pertinenciis suis monasterio Gotwicensi dicte diocesis incorporavimus univimus et anneximus ita, quod cedentibus vel decedentibus rectoribus ipsarum ecclesiarum, qui nunc sunt, vel ecclesias ipsas quo modolibet dimittentibus liceat abbati et conventui predicti Gottwicensis monasterii corporalem possessioneni ecclesiarum ac iurium et pertinenciarum predictorum libere apprehendere et licite retinere diocesani loci vel cuiuscumque alterius super hoc licencia minime requisita. Reservavimus tamen de fructibus redditibus singularum ipsarum ecclesiarum pro singulis perpetuis vicariis secularibus clericis ibidem per diocesanum loci videlicet episcopum Pataviensem, qui pro tempore fuerit, vel sede episcopali ibidem vacante per capitulum Pataviense instituendis et servituns domino laudabiliter in divinis congruas perciones, de quibus vicarii ipsi possint congrue sustentari, episcopalia iura solvere et alia eis incumbencia onera supportare, prout hec et alia in dictis literis apostolicis et nostris plenius continentur. Verum et fructus redditus et proventus earundem ecclesiarum remaneant indivisi et apud ecclesias antedictas et ut ipsi vicarii seculares perpetui ibidem instituendi eo facilius et comodosius valeant iura episcopalia et papalia, procurationes legatorum et nunciorum sedis apostolice exsolvere et alia onera ipsis incumbencia supportare, de fructibus proventibus iuribus et obvencionibus universis ad quamlibet dictarum ecclesiarum pertinentibus et spectantibus certam summam pecuniarum predicto monasterio Gottwicensi ac eius abbati et conventui singulis ipsis a predictis vicariis persolvendam taxamus disponimus et ordinamus videlicet de ecclesia in Nelib sexaginta, de Hofsteten triginta et de Mautarn triginta libras denariorum Wiennensis usualis monete singulis annis a vicariis earundem ecclesiarum predicto monasterio Gottwicensi ut predicitur persolvendorum videlicet duobus temporibus cuiuslibet anni medietatem in festo s. Georii et aliam medietatem summe taxate et cuilibet ecclesie imposite in festo s. Michaelis tune proximo sequenti. Si vero ipsi vicarii summam prelibatam et per nos taxatam eidem monasterio solvere recusarent, tunc liceat predictis abbati et conventui de fructibus redditibus proventibus iuribus et obvencionibus ad quamlibet dictarum ecclesiarum spectantibus se intromittere tamquam de fructibus et redditibus suis et propriis ad eorum monasterium pertinentibus tamdiu, quousque de huiusmodi summa necnon expensis dampnis et interesse fuerint plene realiter et effectualiter expediti. Si hoc ipsis abbati et conventui placuerit et de eorum voluntate fuerit alias, poterint dictos vicarios pro huiusmodi censu annuo tamquam pro vero debito impetere et eos vel alterum eorundem, qui fuerit in premissis negligens vel remissus, iudicialiter convenire, ubi et quando hoc ipsis videbitur expedire.^a Propterea cum dicte parrochiales ecclesie cum omnibus suis iuribus fructibus et redditibus et obvencionibus universis ad eas spectantibus sint dicto monasterio Gottwicensi incorporate unite et annexe, superius est expressum.^b Idcirco ius patronatus in ecclesiis parrochialibus sive vicariis perpetuis in Rabenstain ad ecclesiam in Hofsteten et altera in Rossacz ad ecclesiam in Mautarnn iure filiali et presentandi ibidem plebanum spectare dinoscebatur, predicto monasterio Gottwicensi ac suis abbati et conventui specialiter reservanms ac ipsis auctoritate apostolica supradicta damus concedimus et conferimus ita; quo deinceps, postquain dicte ecclesie vacaverint seu vacare ceperint, ius patronatus seu presentandi plebanum ad dictos abbatem et conventum spectare dinoscatur. In quorum omnium et singulorum evidens testimonium presentes nostras patentes literas sigillo nostri officii appensione iussimus roborari. Datum et actum Wienne in curia episcopali ecclesie Pataviensis, quam pro tunc inhabitare consuevimus, dicte Pataviensis diocesis anno domini millesimo trecentesimo octuagesimo octavo, die vicesima mensis augusti, pontificatus predicti domini nostri Vrbani pape sexti anno undecimo.

Source Fulltext: FUCHS, Göttweig I (=FRA II/51, Wien 1901) S. 718-720