Leonardus Schawr, licenciatus in decretis, Ratisponensis et Pataviensis ecclesiarum canonicus, officialis curie Pataviensis, executor unicus ad infrascripta a sede apostolica specialiter deputatus universis et singulis, ad quos presentes pervenerint, ac omnibus aliis, quorum interest vel intererit, et quos infrascriptum tangit negocium seu tangere poterit, quomodolibet in futurum, quibuscumque censeantur nominibus, salutem in domino. Et mandatur nostris ymmo verius apostolicis firmiter obedire literis sanctissimi in Christo patris et domini nostri, domini Vrbani divina providencia pape VI eius vera bulla plumbea in filo canapis more curie Romane bullatas sanas et integras ac omni vicio et suspicione carentes nobis per venerabilem in Christo patrem dominum Fridricum abbatem et religiosum virum dominum lacobum priorem monasterii Chotvicensis ordinis sancti Benedicti Pataviensis dyocesis pro se et suis conventus ac monasterii nominibus presentatas, nos cum reverencia, qua decuit recepisse, noverit per omnia hec verba: folgt wörtlich inseriert nr. 782. Post quarum quidem literarum apostolicarum presentacionem fuimus per prefatos dominos abbatem et priorem cum instancia debita requisiti, ut ad execucionem earum procedere dignaremur. Nos igitur Leonardus Schawr officialis et executor prefatos volentes mandatum apostolicum nobis in hac parte directum reverenter exequi, ut tenemur, literarum apostolicarum forma diligènter inspecta de omnibus et singulis in eisdem literis expressatis et domino nostro pape predicto propositis et narratis inquisivimus diligenter et qua ex fide dignorum tam clericorum quam laycorum testimomo invenimus omnia et singula premissa sie se habere et esse vera, quocirca prefatas in Nelib, in Hofsteten ac in Mautam parrochiales ecclesias cum omnibus iuribus et pertinenciis suis predicto monasterio Chotwicensi auctoritate apostolica nobis in hac parte concessa perpetuo incorporamus unimus et annectimus ita, quod cedentibus vel decedentibus rectoribus ipsarum ecclesiarum, qui nunc sunt, vel ecclesias ipsas alias quomodolibet dimittentibus liceat predictis abbati et conventui corporalem possessionem ecclesiarum ac iurium et pertinenciarum predictorum libere apprehendere et licite retinere dyocesani loci vel cuiuscunque alterius super hoc licencia minime requisita reservantes tamen de fructibus redditibus et proventibus singularum ipsarum ecclesiarum pro singulis perpetuis vicariis secularibus ibidem per dyocesanum loci videlicet episcopum Pataviensem qui fuerit suo tempore vel sede episcopali ibidem vacante per capitulum Pataviense instituendis et servituris domino laudabiliter in divinis congruas porciones, de quibus vicarii ipsi congrue possint sustentari, episcopalia iura solvere et alia eis incumbencia onera supportare non obstantibus omnibus supradictis. In quorum omnium ac singulorum evidens testimonium presentes patentes^a nostras sigilli nostri officii appensione iussimus roborari. Datum et actum Wyenne in curia episcopali ecclesie Pataviensis, quam pro tunc inhabitare conswevimus, dicte Pataviensis diocesis anno domini millesimo trecentesimo octuagesimo octavo die vicesima^b septima mensis maii, pontificatus predicti domini nostri Vrbani pape VI anno XI.^c indiccione undecima presentibus honorabilibus et discretis viris Iohanne de Toczenpach, strenuo milite, Hayningo in Su^effring, Bartholomeo in Echkendorff, ecclesiarum parrochialium rectoribus, Iohanne fürstenechker, clerico Pataviensi, Engelhardo Floyt armigero, Iohanne dicto Polcz, iudice in Chremsa, Gebhardo Gra^effl laycis prefate Pataviensis diocesis, testibus ad premissa rogatis et requisitis.

Source Fulltext: FUCHS, Göttweig I (=FRA II/51, Wien 1901) S. 715-716