× Bonifatius × episcopus, servus servorum dei, dilectis filiis . . abbati et conventui monasterii Chotwicensis ordinis sancti Benedicti Pataviensis diocesis salutem et apostolicam benedictionem. Cum a nobis petitur, quod^a iustum est et honestum, tam vigor equitatis quam eciam ordo exigit rationis, ut id^b propter solicitudinem^c officii nostri ad debitum perducatur effectum.^d Eapropter dilecti in domino filii vestris iustis postulationibus grato concurrentes assensu personas vestras et monasterium, in quo divino estis obsequio mancipati, cum omnibus bonis, que impresentia^e rationabiliter possidetis aut in futurum iustis modis prestante domino poteritis adipisci, sub beati^f Petri protectione suscipimus atque nostra, specialiter autem terras decimas domos possessiones vineas terras prata pascua et alia bona vestra, sicut ea pacifice obtinetis, vobis per vos eidem monasterio vestro auctoritate apostolica confirmamus^g et presentis scripti patrocinio communimus salva in predictis decimis moderatione concilii generalis. Nulli ergo omnino hominum liceat hanc paginam nostre protectionis et. confirmationis infringere vel ei ausu temerario contraire. Si quis autem hoc attemptare presumpserit, indignationem omnipotentis dei et beatorum Petri et Pauli apostolorum eius se noverit incursurum.^h Datum Rome apud Sanctum Petrum XVII. kalendas maii, pontificatus nostri anno primo.

Source Fulltext: FUCHS, Göttweig I (=FRA II/51, Wien 1901) S. 730-731