Gerungus divina permissione monasterii sancti Ypoliti ad Sanctum Ypolitum prepositus Pataviensis diocesis, iudex unicus a sede apostolica [deputatus]^a universis et singulis dominis plebanis viceplebanis rectoribus ecclesiarum vicariis seu locatenentibus eorundem ac presbyteris et cappellanis per provinciam, civitates et dioceses Salczburgensem et Pataviensem omnibusque aliis et singulis alias ubilibet constitutis, qui presentibus requisiti fuerint seu fuerit requisitus, et cuilibet eorum in solidum, itaque alter alterum non exspectet nec unus pro alio se excuset, salutem in domino et nostris ymo verius apostolicis infrascriptis mandatis firmiter obedire. Litteras sanctissimi in Christo patris ac domini nostri, domini Bonifacii divina providencia pape noni, eius vera bulla plumbea in cordula canapis more Romane curie bullatas non viciatas non abrasas non concellatas non abolitas non corruptas nee in aliqua sui parte suspectas, sed omni prorsus vicio et suspicione carentes nobis per venerabilem dominum Iohannem abbatem monasterii in Cho^etwico Pataviensis diocesis antedicte presentatas nos cum ea, qua decuit, reverentia recepisse noveritis per omnia in hec verba: folgt wörtlich inseriert nr. 860. Post quarum quidem litterarum apostolicarum presentationem et recepcionem fuimus pro parte prenominatorum abbatis et conventus monasterii in Cho^etwico huïniliter cum debita instancia requisiti, quatenus ad execucionem dictarum litterarum apostolicarum procedere dignaremur, iuxta traditam seu directam a sede apostolica nobis formam. Nos igitur Gerungus executor prefatus volentes huiusmodi mandatum apostolice reverenter exequi, ut tenemur auctoritate dictarum litterarum apostolicarum nobis directarum, vobis dominis ac omnibus aliis et singulis predictis in virtute sacre obediencie et sub excommunicacionis pena, quam in vos omnes et singulos dominos predictos terminum trium dierum canonica monicione premissa, nisi feceritis et cum effectu adimpleveritis, que vobis iniungimus, fecerimus in hiis scriptis, districte precipiendo committimus et mandamus, quatenus omnes et singulos nobiles milites armigeros clientes et laicos et alias utriusque sexus homines, quibuscumque nominibus censeantur seu quacumque preemineant sive prefulgeant dignitate seu potestate, qui vobis seu alteri vestrum per nuncios iuratos et fideles dominorum Iohannîs abbatis et conventus in Cho^etwico predictorum fuerint nominati sive fuerit nominatus et qui decimas primitias terras redditus census legata domos prata pascua nemora molendina blada et vini quantitates instruinenta publica litteras autenticas sanctorum reliquias libros ecclesiasticos cruces calices vasa aurea et argentea ornamenta ecclesiastica domorum utensilia equos boves vaccas oves porcos pecuniarum summas et nonnulla alia bona ipsius monasterii in Cho^etwico temere et maliciose occultaverunt et detinuerunt et adhuc occultant et occulte detinent et detinere presumunt pro primo, secundo ac tercio peremptorio termino publice in ambone in ecclesiis vestris infra missaruni solempnia, quando maior affuerit populi multitudo, per vos seu subditos vestros capellanos, quociens et quando pro parte dictorum dominorum abbatis et conventus monasterii in Cho^etwico fuerint requisiti seu alter vestrum fuerit requisitus, moneatis et requiratis, quos etiam omnes et singulos presentibus sie requirimus et monemus, quatenus infra unius mensis spacium, postquam per has nostras litteras fuerint requisiti seu alter eorum fuerit requisitus prefatis, prenominatis dominis abbati et conventui in Cho^etwico de huiusmodi decimis primiciis terris censibus redditibus et aliis bonis prenominatis personis integre ac debite satisfaciant ac quilibet eorum satisfaciat de parte ipsum concernente cum effectu vel cum eisdem dominis abbate et conventu amicabiliter concordent ac quilibet eorum concordet. Aliquin elapso dicto termino,^b quem eis et cuilibet eorum peremptorio termino ac canonica monicione ad hoc prefigimus et assignamus, omnes et singulos nobiles barones milites armigeros clientes et alios laicos utriusque sexus, homines debitores dicti monasterii in Cho^etwico ac alios huiusmodi nostri mandatis et monicionibus inobedientes et rebelies et singulariter singulos excommunicamus cum hiis scriptis mandantes vobis universisque et singulis dominis supradictis, qui presentibus fuerint requisiti vel requisitus sub penis et sentenciis prefatis, quatenus lapso dicto monicionis termino prefatos nobiles barones armigeros clientes et singulis diebus dominicis et festivis infra missarum solempnia et sermonibus publicis, dum ibi affuerit maior populi multitudo, sie excommunicatos publice nuncietis et nunciari faciatis tamdiu, quousque abbati et monasterio supradictis satisfecerint ac huiusmodi nostri mandatis paruerint cum effectu, certificantes ipsos et eorum quemlibet quoad graviores penas et sentencias contra ipsos utique procedemus, si hoc meruerit contumacia et rebellio eorundem. In signum autem fidelis vestre execucionis reddates presentes unacum vestrorum nominum et cognominum subscripcione munitas diem nostre execucionis ac nomina et cognomina nobilium baronum militum armigerorum clientum et laicorum ac aliorum utriusque sexus hominum spiritualium et seculariuin per vos nominatim specialiter ac distincte nominatorum et requisitorum nobis specialiter significantes. Datum et actum in nostro monasterio sancti Ypoliti antedicti in domo habitacionis nostre anno domini millesimo CCC nonagesimo nono, indictione septima, decima septima die mensis octobris, hora vesperarum vel quasi, pontificatus sanctissimi in Christo patris et domini nostri. domini Bonifacii divina providencia pape noni predicti anno nono, presentibus honorabilibus viris et dominis venerabili et religioso domino Heinrico monasterii sancti lohannis in Walthusa preposito, Nicolao Sweinpekch, Reinhardo de Friesing, Chvnrado Flêmming, Vlrico Wisêr armigeris dicte Pataviensis diocesis ac aliis pluribus fide dignis testibus ad premissa vocatis specialiter et rogatis.||
||
(SN.) Et ego Weikchardus de Viechtach, clericus Ratisponensis diocesis, publicus imperiali auctoritate notarius, predictarum litterarum apostolicarum recepcioni requisitioni et decreto omnibusque aliis et singulis premissis, dum sie ut premittitur per venerabilem dominum Gerungum prepositum ac iudicem antedictum coram eo agerentur et fierent, unacum prenominatis testibus interfui eaque sie fieri vidi et audivi. Ideo hoc presens publicum instrumentum propria manu mea conscripsi de mandato domini prepositi iudicis predicti, confeci signoque et nomine meis solitis consuetis unacum appensione sigilli eiusdem domini prepositi consignavi rogatus et requisitus in fidem et robur premissorum.

Source Fulltext: FUCHS, Göttweig I (=FRA II/51, Wien 1901) S. 795-798