Ich Vlrey^ech Velebru^enner, die zeit phleger ze Holenbu^erckh, und ich Peters sein hawsfraw^e und all unser erben wir veriechen offeleych und tu^en chund mit dem bri^ef allen lêwtten lembtigen und chu^emftigen, die den bi^erf^a sechent horent oder lesent, daz wi^er mit gunst und guetem willen des erbern herren^b hern Jorigen des Velebru^enner, pharrer ze Gro^ezz, und mit wilen sey^enner pfarlêwt daselbs und haben abgelost ab aim halbem lechen ain pfu^ent gelts, das ma^en jêrleich davon dient an sand Michelstag, und vi^er heribsthu^ener und nicht mêr und gelegen ist ze Obern Velebru^enn an der Winterczeil, da dieweil au^efgesessen ist Christa^en der Dultter und daz unser vetter seliger V^elreych der Velebru^enner dem got gnad gesaczt het, dem gotsha^ews sand Veits chirchen^c ze Grozz an der mess, die er da gestift hat, den selbigen sacz fu^erwaz abzeledigen er oder sein erben umb zechen pfunt pfenning. Und das hab ich vorgenant V^elreich Velebru^enner, Peters mein hawsfraw^e abgelost umb die zechen phunt phenning also, das ma^en die selbigen zechen pfunt pfenning alswo an sol legen ze hilf der mess, und haben das getan yn der maynu^eng, das ich vorgenant V^elreich Velebru^enner, Peters meyn hawsfraw^e mit wolbedachtem mu^et und mit guetem willen aller unser erben und mit rat unser nachsten pesten frêwnt zu der zeit, do wi^er es wol getu^en môchten, recht und redleich gestift und gemacht haben ain ewy^egen jartag durch unsern und unser vorvodern und nachkomen und aller glawbiger selhail willen mit aim pfunt Wynner gelts auf das egenant halb lechen, daz unser frey^es aygen ist und auch ledig sol sein hinfu^er ewychleich und wer darauf siezt, von aler stew^er und robat ze hilf dem gu^et, daz der jartag dester beleyblich er sey^e hinfu^er zu begen jêrleich in der chirchen ze Grozz des su^enntag nach sand Cholmanstag des obents mit ainer vigilig und gen auf unser begrebnu^ezz und da sprechen ain placebo, des margens mit aim selampt und fu^emf messen. Darumb sol ma^en dem pfarrer daselbs an dem selbigem su^enntag fu^ertragen ze oblay^e fleysch umb achczig pfenning und sechs weck umb sechs und dreyssick und ain êmmer wey^en oder vi^erczick phenning, den sechs herren, die da mês lesent, y^edem herren sechs Wy^enner phenning und sol y^en der pfarrer ain ma^el zessen geben und sunderleich dem gesellen zwelif pfenning fu^er vigilig u^end ze piten umb die sel auf dem predigstu^el und den zwain chappella^en daselbs y^edem vi^er pfenning fu^er die vigilig auch mit ze singen, dem su^eler ze lêwten vigilig^d vi^er pfenning, dem zechmaister vi^er und zwainczig pfenning, das er zwelif liecht prênn bey der vigilig und messen. Und ob der pfarrer oder sein verwesser das verzugen und nicht begyengen, als vor geschriben stet, so sol ma^en die nu^eczt all raichen und geben dem zechmaister ze Grozz zu dem gotzhaws, u^enncz alslang der pfarrer oder sein verbeser die sawmu^eng alle ganczt und gar volfu^ert und volbracht wi^ert, als vor geschriben stet. Wi^er wellen auch, das nach unserm tad das obgenant gu^et y^enhaben sol unser nachster erib, nach dem und ichs vorgenant V^elreich Velebru^enner schaf, und derselbig, wer den jartag y^enhat, der sol des vorgenant gu^etz rechter vogt sei^en und des, wer darauf siczt, gu^et erberleich y^enhaben und vogten an all peswernu^ezz, als vor geschriben stet, und davon tu^en und raichen zu dem egenant jartag, als vorgeschriben stet. Têtt er aber des nicht, so sol y^en der pharrer oder sein verbeser darzu^e no^etten geistlich und weltli^ech mit hilf der andern frew^ent und wer auf unserm hof ze Velebru^enn gewaltig ist, und mit der ganczen gmain daselbs und sol sich der pharrer oder sein verbeser des vorgenant gu^ets underwinden zu dem gotzhaw^es, uncz alslang er daz volfu^ert, waz wi^er auf das vorgenant gu^et gestift und geschaft haben, als vorgeschriben stet. Und all die weil der pfarrer oder sein verweser daz gu^et y^enha^ebent, so sullen sy den jartag jêrleich davon begen in aller der mazz, als vo^er geschri^eben stet. Und ob der pfarrer oder sein verbeser dasselb auch verczu^egen und den jartag nicht begiengen, auch als vor geschriben stet, so mag sich ain zechmaister und die gancz gmain daselbs des gu^etz underwinden oder der chappella^en auf des heylingen chra^ewcz alter und mugen das getu^en an al i^er scheden und mit hilf ir^er herschaft und sullen dann den jartag davon begên in aller der mazz, als vo^er geschriben stet. Und daz die sach also hinfu^er stêt und unzebrochen beleyb, so gib ich vorgenant V^elreich Velebru^enner den offen bri^ef fu^er [mich]^e und mein hausfraw^e und al unser erben unverchaydenlich mit mey^em anhangunden insygel. Da^erzu^e hab wi^er fleyzzichleich gepeten den erbern Stephann den Locher ze Frawndorff und den erbern Chu^enratten den Praytenweydacher¹ ze Ey^eczestal,² daz sy der sach zug sind mit yr^en payden anhangu^enden ynsygeln yn bayden und yr^en erben an schaden. Geben nach Christi gepu^erd ym vi^erczechenhundertistem ja^er und y^em andern ja^er an sand Margareten obent der heylingen junkfrawn.

Source Fulltext: FUCHS, Göttweig I (=FRA II/52, Wien 1901) S. 18-20