Wi^er Stephan von gotes genaden abbt des goczhaus zu^e Kremsmůnster bechennen mit dem offen bri^ef, das uns der edel und erbêr herre, her Hanns von Trawn ze unsern handen aufgeben hat di vier gůter hernach verschriben, ains genant: an der Holczhůb, den Krewshof, ain gut an der Hůnczlukchen und ain gůt i^em Do^ernêch alle pei dem Sippach¹ gelegen in Weizki^erchêr pharr unsers goczhaus lehenschaft, die er von uns||
und unserm goczhaus ze lehen gehabt hat und von uns gepeten hat, das wi^er dieselben vier gůter hinwider verleichen gerůchten dem erbêrn Ewerharten dem Mu^elbangêr, dem er die zu kauffen geben hiet. Das haben wi^er getan und haben dem vorgenanten Můlbangêr und sein erben dieselben vier gůter mit i^eren zůgehorůngen zu kauf verliehen und leichen auch in die mit dem bri^ef allz, das wi^er in daran ze recht leichen schullen und můgen. Darczu^e der egenant M^olbanger von uns gepeten hat i^em ze leichen die hernach verschriben zehent und gůter auch unser lehenschaft von erst: di zehent auf den obern zwain gu^etern zu Dehendorf, auf dem gůt zu Gassen, auf dem gůt zu Dornaw und an der Ramelmůl auf ainer pewnt, di zehent all gelegen in Weizki^erchêr pharr und den zehent an dem Smalaigen auf aim akchêr in Kempnater pharr, auch ain hůb genant di Lerbůllhůb in Weizki^erchêr pharr und den Průkhof in derselben pharr, der unsers goczhaus urbar ist. Die obgenanten lehen alle, sa^a vor verschriben sind, wi^er i^em verliehen haben yedem lehen zu sein rechten von uns und unserm goczhaus in lehensweis ze haben und ze nyessen, aus lehens und land^esrecht ist doch uns und unserm goczhaus an unser mo^enschaft und rechten an schaden mit urchu^end des bri^efs versigelt mit unserm angehanngen insigell. Geben ze Kremsmunster an sand Laurenczentag nach Kristi gepůrde vi^erczehenhůndert ]ar und darnach im vierden jare.

Source Fulltext: FUCHS, Göttweig I (=FRA II/52, Wien 1901) S. 52-53