Ich Grego^erg die zeit pfarrer zu unnser frauen zu Maur vergich für mich unnd all mein nachkhomen, die die kirchen zu Maur nach mir innehaben unnd besitzent . . . hat der wais Jörg Enenckhl von Albrechtsberg, die zeit mautter zu Lu^entz, zu meiner khirchen zu Maur hintz unnser frawen gestifft unnd gebidembt 4 lb Wienner pfening ewigs gelts auff stuckhen, daran unns woll benüegt hat, unnd einen weingarten, der gelegen ist zu Ursprung an dem Pro^eckhmspo^erg zu negst Hannsen des Ursprungers unnd Erharten des weingarten, unnd davon man zu purckhrecht gait 6 Wiener d an s. Michaelstag in die hoff gehn Maur unnd nichts mehr, gott dem allmechtigen, unnser lieben frauen unnd allen hayligen zu lob unnd zu ehren, zu hilff unnd zu trost dem vorgenant Jörgen seiner Hausfrauen und allen seinen erben lebendigen unnd totten, seiner vorvattern unnd nachkomen unnd allen glaubigen seelen, und das in das zuvergenckhlich guet zu ainem ewigen nuts und frommen verwandelt werde, unnd darumb wir unns, ich vorgenandter Gregörg pfarrer zu Maur unnd alle nachkomen, die dieselb kirchen nach mir besitzet, mit aigen willen unnd wolbedächtlich gegen in verbundten haben unnd verpindten unns auch mit dem brieff, das wir in darumb ewigckhlich begên und ihr gedechtnus haben schullen allso, das wir alle sontag naht bei derselben kirchen zu Maur umbschiden gehn mit dem weichprun und mit dem gesungen absolve und vor dem kharner sprechen ein miserere und ain collecte von den seelen, und darnach mit dem gesungen media vita in die kirchen gehen und darnach in der kirchen soll man singen das salve regina mit ainer collecten oder, was die zeit zu singen ist, als zu ostern das regina coeli und darnach des morgens an iedem montag in dem jar sollen wir in singen ain seelambt auf dem altar in der capel auf dem kharner ausgenomben an solchen ta^egen, das es nicht sein soll, so soll man es dennoch in derselben wochen an dem negsten tag darnach thuen und sollen auch bitten unter iedem seelambt umb lebendig und tott und besonderlich umb den vorgenandten Jo^ergen von Albrechtsperg und sein hausfraun unnd umb alle seine khu^endt umb seinen vatter unnd mueter unnd umb alle sein geschwisterath und vorvortern, so sein lembtig oder dath, und sollen ihn auch zu derselben weil frumben zusprechen ainen pater noster, ain ave Maria und ainen glauben. Und ob auch das war, das wir dy umbganckh an der suntag nacht nicht vollbringen möchten von notturfft wegen, so sollen wir ihn ohn unterlass vollbringen des morgens vor dem seelambt in der waiz als oben begriffen ist. Auch soll und will ich obgenandter Grejo^erg pfarrer zu Maur und all mein nachkhomen, die obgenandte kirchen nach mir innehabent und besitzent, von dem vorgenandten 4. pfund ewiges gelts und von dem genandten weingarten alle jar ewigkhlichen raichen und geben dem gesellen zu Ma^eur 6 schilling gueter Wiener pfenning halb zu mittervasten und halb zu sand Michelstag darumb, das er desto fleissiger sey des vorgeschribnen gottesdiensts und alle montag zu pitten umb den vorgenandten Jo^ergen von Albrechtsberg, alls oben begriffen ist. Darzue sullen wir auch alle jar raichen und geben daselben ainem schueller oder ainem messner auch an sand Michaelstag 60 Wiener d, darumb er auch dienen und raichen soll zu den vorgenandten gottesdienst, des und darzue notturft ist. Es soll auch der vorgenandt Jo^erg von Albrechtsberg, sein hausfrau und all sein erben in der lcapeln auf dem kharner in der egenandten kirchen zu Ma^eur ihr begrebnus haben vor manigklich, wan sie die benandte capellen gebaut, gestifft und geweiht haben. Darzue schullen sew and all ihr erben oder wer die vest Albrechtsberg nach im innehat und besitzt, aller der gueter, die nu^e zu der obgenandten kirchen zu Ma^eur und der capeln auff dem kharner daselbst gestifft und gepidemt habent, und alles des gu^eets, das seu noch hinfu^er darzue stifftent und widmat, selb vogtey lauterleich durch gotz willen und auch an alle beschwa^ernus, wie die genant ist, ungeva^ehrlich, und das wer, das sey die gueter nicht vogten oder wider recht beschweren, als vor verschriben ist, und das wissentlich wehr, so soll und mag ich obgenandter Grejo^erg pfarrer zu Ma^eur oder all mein nachkomen selb ain vogt nemben den hochgeborn fursten, den hertzog in Osterreich oder seinen marschalich, wer er die zeit ist. Man soll auch von den obgenandten guetern alle jar jerlich einem yeden vogt, wer er die zeit ist, dienen und geben zway herbsthienner zu vogtrecht an sand Michelstag und nichts mehr. Und ob auch das wer, das ich obgenandter Grejo^erg pfarrer zu Ma^eur und all mein nachkomen, die die kirchen zu Ma^eur nach mir innehabent und besitzent, sa^eumbig weren in dem vorgenandten gottesdiennst und den nicht volbrachten, als oben begriffen ist, so soll und mag sich der obgenandt Jo^erg und alle seine erben oder wer die benandte veste Albrechtsperg nach im innehat, der obgenandten dienst und gu^elt unterwu^endten und dicz also ga^entzlich inantwurtten ainem caplan zu Albrechtperg als lang, untzt das wir den versaumbten gottsdienst ga^entzlich vollbringen. Darnach so sollen sy uns die obgenandte gu^elt gantzlich und an verzihen wider inantwortten an schaden und an alles geverth. Und des zu uhrkhundt und einer ewigen bestantnuss aller oben geschriebnen sach, gib ich Grego^erg, die zeit pfarrer zu Maur, für mich und all mein nachkomen den offen brieff dem vorgenandten Jo^ergen Enenckhl von Albrechtsberg und allen seinen erben und nachkhomen, als oben begriffen ist, besigelter und besta^ett mit meinen anhangunten insigl. Darzue hab ich gebeten den ehrwurttigen und geistlichen herrn abbt Peter abbt zu dem Ca^ethweig, das er den obgeschriben handl und dise stifftung besta^ett hat mit seinem anhangunten insigl, wen er und ain jeglicher abbt auf dem Ca^ettweig der obgenandten khirchen hintz unser frauen zu Maur rechter lehen herr ist, und ist auch der handl und genant stifftung mit seinein guetlichen willen beschehen doch im und seinem gottshauss an schaden. Ich hab auch gebeten den edlen herrn, herrn Marcharten den Ha^eusler von Pielach und ersamben herrn, herrn Seyfridten die zeit pfarrer zu Losdorff, das sy der obgeschribnen sach und stifftung auch zeugen seint mit ihren anhangenden insigl in pa^eden und all iren erben und nachkomen an schaden. Beschehen da man za^elt nach Christÿ geburt vierzehenhundert jare und darnach an dem sibenthen jare an dem negsten sambstag nach s. Mertentag.

Source Fulltext: achträge Göttweig (=FRA II/69, Wien 1931) S. 570-572