Ich Chunr(ad) Glacz zu Mawtarn hab dem erbirdigen herren abbt Petern zu Kottweig versprochen mit meinen trewen und mitsampt mi^er purgel gesaczt den Weni^eg, Andre den Zeirbeter und Micheln den Haberknappen von Talarnn, do ich aufgab das halb lehen, das ich verkauft het Petern dem Holczlein, das ich das ander halb lehen doselbs zu Talarnn und dorzu alle andre purkrecht und gu^eeter, die von dem egenanten gotshaus zu Kottweig oder auf andern gu^eetern ze lehen weren, sol und will die zustifften zwischen hewt und sand Michelstag angevêrd. Bescha^ech des nicht, so sein sew dem egenanten gotshaus verfallen an alle gnad. Auch hab ich doselbs versprochen welicherlay vordrang oder stewr in derselben zeit dorauf ka^eme, sol ich alls dovon tuen alls ain ander hold des egenanten gotshaus. Geschehen an suntag vor Vdalrici anno etc. XIII. 

Original dating clause: an suntag vor Vdalrici

Language: Deutsch