Ich Jorig Geyr, ich Fridreich Friczesdarffer, ich Hanns Weyghartslager und ich Niklas von Lewbs, dy zeit phlegêr zu Obern Renna, veriechen o^effennleich mit dem brief von aller der krieg und stozz wegen, so der erwirdig geistleich herrn abb^a Peter z Gottwey von sein, seins go^eczhaws wegen^b und convents wegen und Hanns Rayd, dy zeit gesessen zu Seyttendarff, gen enander gehabt haben, es sey von raÿttung oder ander zu^espruch wegen, darumb sew gênczleich bey uns beliben sind, als dann ir baÿder hindergang brief lawten, dy wir von in haben, daz wir darumb veraintleich und bedechtigleich ausgespro^echen haben und sprêchen wissenleich mit krafft des brieffs also, daz dye egenanten zu^espru^ech und vordrung sullen gancz ab sein und hinfur ain tail gen dem andern chain zu^espruch nicht mer haben nach zu suchen scholl in chainer weys und angevêr au^esgeno^emen ettleicher zu^espruch von geltschuld wegen, alls der egenant Rayd dann spricht, dye im a^euslig von des egenanten abbts lêwten in der herrschaft zu Rênna. Sprechen wir, daz im darumb des vorgenanten abbts phleger derselben herschafft ain fuederleich recht gefallen lazzen sol, und a^eusgenomen des sechs und dreysig phunt phenning wegen, dy der egenant Hanns Rayd anhellig warden ist und dem egenanten abbt ausligent, und spricht der Rayd, er hab sy gegeben Lientharten dem Vorster, ÿecz phleger zu Hohenekch, und auch ausgeno^emen der zu^espru^ech, die der egenant Hanns Raydd maÿnet zu haben hincz Vlreich Fleischaker von Mu^eldarff von vêll wegen. Auch sprechen wir, welicher tayll des spru^echs nicht hyelt, der sol dem lanndesfursten verfallen sein hu^endert phu^ent phenning und uns spru^echlêwten zwai und dreisig phu^ent phenning. Und des zu u^erchu^end geben wir obgenanten spru^echlêwt dem egenanten abbt der brief besigelten mit unser aller aufgedruchten petschafften. Geben zu Spicz an suntag vor sand Michaelstag anno domini MCCCC quarto decimo.

Source Fulltext: FUCHS, Göttweig II (=FRA II/52, Wien 1901) S. 119-120