Ich Ludweig der Slierbekk diezeit gesezzen zu Pu^egsendorf bechenn offenlich mit dem brief fu^eer mich und all mein eriben und tuen kund allen lauten lebentigen und kunftigen, dass ich mit wolbedachten muet, guetem rat und mit meiner nachsten und pesten fro^endt gunst und gu^etlichem willen zu der zeit, do ich das mit recht wol getuen mocht, recht und redleich verkauft hab meinen hof gelegen zu Ho^erenpach oben an dem Pu^echel, der mein rechts va^etterlich erib gewesen ist, alls der dann mit aller zuhorung und hernach geschriben rechten und gu^eetern von alter herkomen ist und hie auch in dem gegnburtigen brief aignlich begriffen werdent und der auch von dem erbirdigen gotshaus zu Kottweig ze lehen ist. Und das sind die gu^eeter, die in den egenanten hof gehorent von erst: acht und dreizzig jeuchart akcher gelegen in Horenpekchêr velld, der gerait sind dreizehen jeuchart gelegen in Aichperigerveld¹ und dreiczehen jeuchart gelegen in Hungerperigerveld² und zwelif jeuchart an dem Sperkenperig.³ Item so gehorent auch zu demselben hof ain holcz gelegen hinder dem Maiperig, und stozzet an das Ofenholcz des egenanten gotshaus, alls das doselbs auch aigenlich ausgemaricht und umbfangen ist. Auch gehört zu dem egenanten hof zwen weingarten und ain pawngarten ingefridet hinder demselben hof. Auch gehorent zu dem egenanten hof zehen viertail most, drew viertail purkchrecht sind und acht viertail di^enstmost sind, die man jêrlich dorinn dinet in dem lesen gelegen auf den hernach verschriben weingêrten: von erst so dinet Janns der Mu^eschnrigel ain ernper most von dem weingarten gelegen im Chrental zunagst Andren dein Ha^ewstadel; item Vlreich Smid und Jorig Oberndorfa^er dinet drew viertail most perkchrecht von dem weingarten gelegen zunächst Jorigen dem Vierek; item Vll im Graben di^ent ain viertail most von dem weingarten im Krental gelegen zunächst dem egenanten Smid; item Stephan Vierkk di^ent auch ain viertail most von der umkerstat gelegen in der Chellen. Auch di^ent die Hachlin ain viertail most von dem weingarten in der Chellen gelegen zunachst Elspeten der Ma^ewrerrinn und nicht mer; item so gehorent auch in den egenanten hof segs und funfczig Wienner phenning gelts purkrecht von alter und jerlich dorinn ze dinen an sand Michelstag, der ainer und dreizzig pfenning gelegen sind auf vier chrautgêrten und gelengent an den pawngarten zu Wiczleinsdorf;⁴ derselben ist ainer Niklein des Jennêr und dinet zehen Wienner phenning, der ander Kristan des Chu^ettingêr di^ent alsvil, der dritt Hainreich des Oberndorfa^er dinet auch alsvil und der vierd ist Jansen des Mu^eschenrigel gelegen ob des wegs neben Kasparen des Schu^eestêr krautgarten dinet ain Wienner phenning zu purkrecht zu dem egenanten tag und nicht mer. Dann die andern funf und zwainczig phenning purkrecht, die auch dinent in den egenanten hof zu sand Michelstag. So di^enet Kaspar der Schu^ester doselbs hin ain Wienner phenning von ainem fleklein gelegen an dem Seczgraben, item dreÿ phenning purkrecht dinet Kristan O^egsel vom halben jeuch akcher zu Aichperig an die Chamrerinn; item fünf phenning purkrecht dinet Janns Wi^eert von dem aker genandt der Stolhofêr gelegen zunächst Liendlein dem Vierek, item so di^enet Fridel Oberndorfa^er ain Wienner pfenning purkrecht von dem raynn gelegen in der Chellen und zwen pfenning purkrecht vom aker am Sperkenperig; item Kathreÿ Kamra^erinn dinet von ainer jeuchart aker gelegen in Aichperigvelld zunachst Kristan dem Schaittêr dreÿ Wienner pfenning zu purkrecht, so dinet auch in den egenanten hof Jorig Hahel vom weingarten genandt Scho^endel gelegen an dem Aichperig und stosset an Jorigen den Jennêr, zehen phenning purkrecht an sand Michelstag und nicht mer. Auch so hab ich egenanter Slierbek gehabt und mitsampt verkauft die hernach geschriben purkrecht, der ettleichew dinent zu dem egenanten gotshaus in die abbtey gen Kottweig an sand Mertentag: von erst ain weingarten genandt der Chru^emel ingefridet hinder dem egenanten meinem hof, dinet drey Wienner phenning; item ain jeuchart am Sperkenperig gelegen zunachst Jannsen dem Herren, di^enet drey Wienner phenning und ain jeuchart aker gelegen in dem Seczgraben,⁵ der auch stosset an des egenanten Jansen aker, di^enet dreÿ Wienner phenning; item ain jeuchart aker in der Chellen gelegen zunachst Sigelmendlein, dinet drey Wienner phenning; item ain jeuch akcher in dem Panholcz,⁶ dinet acht Wienner phenning purkrecht und nicht mer; item dinent auch zway jeuchart aker gelegen in Ekchendo^erferveld und stozzent an den Markweg, dovon man dinet in Ottleins gu^et zu Ekendorf zu purkchrecht fünf Wienner phenning an sand Michelstag, und zwai jeuchart aker gelegen zu Hinderleitten⁷ und stozzet an Krutsteta^erweg neben Ottleins aker, dovon man dinet zu purkrecht dem Stifelhardêr zehen Wienner phenning zu unser frawntag der schidung und nicht mêr. Auch ist gelegen ain ewren in der Chellen, der vor ettleichen jaren aufgesaczt ist warden, ain viertail most ze dinen in den egenanten hof in dem lesen. Denselben egenanten hof mit aller zohorung aller gu^eeter dinst, perkrecht und purkrecht, alls dann aignlich oben geschriben stet, es sein weingêrten ekcher krautgêrten holcz perkrecht weindi^enst oder phenningdinst und auch darzu besunder mit allen rechten eren gulten und nu^eczen, so dorzu von alter geho^ert und dovon bechomen mugen ze velld ze dorf bestift unbestift versu^echt und unversu^echt nichts ausgenomen, sunder alles inbeslozzen und alls der von alter herkomen ist und den in lehensrecht und auch dorzu die egenanten purkrecht in purkrechtsrecht, perkchrecht in perkchrechtsrecht, weindi^enst in weindinstsrecht unversprochenlich und unverkumbert bis auf den heutigen tag herbracht hab, also hab ich egenanter Slierbekk den egenanten hof und gu^eeter nucz und recht recht und redlich verkauft und ze kaufen geben dem erbirdigen gaistlichen herren abbt Petern, seinem convent und gotshaus zu Kottweig umb ain sum gelts, der ich gancz bezallt pin zu rechten tagen an schaden in der beschaiden und also, das der erbirdig egenante abbt Peter, sein convent und nachkomen zu Kottweig fuerwazz lediglich und freÿleich allen ieren frumb domit sullen und mu^egen schaffen mit einander oder zu aynczing mit verseczen verkaufen oder geben, wem sew wellen, wie in das dann zu peste fu^egt an mein und aller meiner eriben mêniklichs widersprechen irrung und hindernu^ezz angevêrd. Auch pin ich egenanter Ludweig der Slierbek des egenanten hofs und aller der obgeschriben gu^eeter ir rechter gewer fuerstand und scherm, alls lehens lehensrecht ist, weindi^ensts weindinstsrecht ist, perkchrechts perkchrechtsrecht ist, purkrechts purkrechtsrecht ist und des landes recht in Osterreich. Wêr awer, das in fuerwazz mit recht icht ansprach oder krieg auferstu^eend hincz den egenanten gu^eetern, von wem das wa^er, wietann scha^eden sew des nêmen, denselben schaden krieg und ansprach sol und wil ich in den allen ausrichten ablegen und widerkeren an alle widerred und sullen sew das haben hincz mi^er, allen meinen eriben unverschaidenlich und auf allem meinem gu^et, das ich hab in dem lannd zu Osterreich oder wo ich das hab, versucht und unversu^echt, wo sew dorauf koment oder zaigent, das ist mein gu^etlich will, ich seÿ lebentig oder tod. Und das der kauf und die handlung fu^eerwazz also stet gancz und unzerbrochen beleib, so gib ich egenanter Ludweig der Slierbek fu^eer mich und all mein eriben dem vorgenanten gotshaus, convent und nachkomen zu Kottweig den brief besigelten mit meinem und meines liebens vetteren, des edelen Peteren des Magnst baiden anhangunden insigeln. Auch zu besser sicherhait hab ich dorzu vleizzich gepeten die edelen mein vetteren Hansen den Mattsewêr, Hansen den Pielachêr und mitsampt den edelen Hansen den Tyemigêr, das sew der sach zeug sind mit ieren drein anhangunden insigillen in und allen ieren baiden eriben an schaden. Geben ist der gegenburtig kaufbrief zu Kottweig am phincztag der quottemper in phingstveirtagen nach Kristi gepu^erd vierczehenhundert jar darnach in dem sechczehenten jare.

Source Fulltext: FUCHS, Göttweig II (=FRA II/52, Wien 1901) S. 141-144