Ich Mert und ich Christann und ich Hainreich gebrueder die Hawczenperger und ich Denkchel an der Wizz und ich Michel am Prantt und ich Chuncz und ich Christann sein su^en und ich Vlreich ze Hetti^eng und ich Stephel am Prantt und ich Stephann am Chueperg und ich Steffan Hofer ym Gruebtall und ich Jorig Engelger und ich Jo^erg sein su^en und all unser erben vergechen all unverschaidenleich mit dem brief, das wi^er egenant baid brueder Mert und Christan wider unser frawen goczhaws zw Chottwei^eg und wider das gancz convent dasselbs und irr amptlewt arm und reich und besunderleich wider den erbern Hannsen den Tyemmynger und Petrein und Herman sein knecht und Steffann den ambtman ze Pirichêch und Hannsen den Steger umb die inczicht und vennkchnu^ezz wegen, do wi^er innegewesen sei^en von warrer schuld und tatt wegen, das uns fru^em lewt ab habent gepetten durich got^es und unser frawn willen und durich vleizziger gepett willen umb die inczicht, die wi^er egenant baid Mert und Christan wider das vorgenant goczhaws und das convent dasselben und wider all die irren getan haben, da verpint wi^er uns vorgenant all mit unsern trewen an aydes stat und mit uns all unser erben wider diesselben nymermer getu^en su^ellen noch wellen weder mit wartten noch mit werchen, mit recht noch anrecht in kaynnerlay sach. Wer awer, das wi^er vorgenant all oder unser ynndert ainer under uns ymmermer wider das alles tetten, so wer wi^er trewlozz und erlozz und worn ubersagt mit syben an alle gnad und sullen auch dhaynner freyu^eng nynndert nicht geniessen inner lanndes noch ausser lanndes auf hawssern in steten in merkchten in dorffern auf wasser auf lannd. Wer awer, das wi^er vorgenant all oder ander yemant von unsern wegen wider den brief tetten, als oben geschriben stet, so sol man uns vorgenant antburtten an alle gnad und wo wi^er es vorgenant all ynndert chlagetten und sagetten von des briefs wegen, den wi^er uber uns gegeben haben, er sey armer oder reicher, das sol alles sand nicht war sein. Und zw^e ainer pessern sicherhayt so geben wi^er in den brief fu^er uns und all unser erben dem vorgenant goczhaws und dem ganczen convent dasselben und allen den irren mit des edelen wolgeborn herren, hern Jorigen des Toppler anhanngunden insigell und mit der erbern insigill Vlreichs des Platschu^echs, die zeit phleger und lanndrichter ze Wolfstein,¹ und Hannsen von Potschalich und mit Casparn des Hiersleins und Lewpolcz des Herrisser an dem Graben anhangunden insigellen yn allen und iren erben an schaden, darunder wi^er uns vorgenant all verpintten mit unsern trewen an aydes stat alles das stet ze haben, das oben an dem brief geschriben stet, der geben ist nach Kristi gepurde vierzechenhundert jar darnach in dem sybenzechenten jar am erichtag nach reminiscere in der vasten.

Source Fulltext: FUCHS, Göttweig II (=FRA II/52, Wien 1901) S. 158-159