An freitag nach Cholomani hat her Rueprecht, meins herren von Passaw kanczlêr, zwischen meinem herren dem abbt von Kottweÿg und dem probst von Sand Polten also getaidingt und gesprochen umb die LXX emer most, so dy lew^et zw^e Pach¹ dem egenanten probst yêrleich von seinen grantten dienen, was derselben lewt des probst sein, mit den sol er schaffen und die darczw^e halden, das sew meinen hern von Kottweÿg zehent geben fu^er den probst von dem most, den sew irem herren dem probst jêrleich raÿchen von allsvil grantten, alls sy denn innehaben und welch des probst holden nicht wêrn, dannoch sol mein herr von Kottweyg oder sein anbalt den zehent an dŷselben ayschen von allsvil mostz, als sew dann angepu^erdet dem probst ze raÿchen, und ob sich dieselben des seczen wolten, das sol man an i^er herschaft bringen, und ob das auch nicht gehelffen kund, so mag sew der abbt wol darumb geladen fu^er geistlich recht. Peÿ den taiding sind gewesen abbt Peter von Kottweÿg, probst Vlreich von Sand Polten, her Rueprecht kanczlêr, her Mert pharrer zw Mawttarnn, her Michel pharrer aus dem Halpach,² her Thaman schaffer von Sand Polten, her Vlreich sand Altmans kapplan, Vlreich Noppendarffer, Rieder, Chochlinger Pawl, hofmaister zw Jewching, Lêndtersto^erffer Lucas von Welminkch, all des von Sand Polten diener, Hanns Weykchartzslager, Hanns Tyeminger, Hanns Têgelhofêr. Geschehen in anno XVII. 

Language: Deutsch

Notes: