Ich Godsfrid von Wildungsmawr, ich Haidenreich von Plannkenstain, ich Kristoff von Czinczendorf und ich Gêcz vo^en Rarbach bekennen und offenbaren mêniklh umb den sto^es und krieg, so gewesen ist zwischen baider prela^et, der erbi^erdigen geistlhen herren abbt Petern ze Go^etweig ains tails und abbt Steffans abbt ze Sitansteten des andern tails von des wu^erslag und grund wegen, gelegen in dem Ofenpach, wie sich die zwischen ir bis awf den hewtigen tag verlawffen habent, das si des noch rat und têding des edelen herren hern Reinprechts von Wallse, haubtman ob der Enns, ain lawtten vessten hindergang getan und zu uns gegangen sind noch innhaltung irer hindergengbrief, so si uns zu baider seytten doruber geben, und auch mit vleis gepeten uber solh ir stoss und krieg auszesprechen, und sew ze ain, lobten si uns trewlh und ungeverlh ze halten volfueren und dobider nicht reden noch tun in kainerlay weis angevêrd. Nu^en haben wi^er obgenant spruchlewt mitsambt dem erbern und weisen Michelen dem Oberhaimer, der uns von dem egenanten herren, hern Reinprechten von Wallse, haubtman ob der Enns, darczue als ain obman gegeben ist, ainhelliklh gesprochen und sprechen awch in kraft des briefs von erst: item ob sich do ichs gefuegt hiet zwischen geistlhen und weltlhen, doraws unbillen oder veindtschaft gangen wêr, das die lawtter und gancz hin sein und nimer geruegt werden sol angevêr. Darnach so sprechen wir, was in der landtschrann ze Pu^erkstal des von Sitansteten mulner mit klag und rechten wehabt hat gegen des von Gotweig mulner, dorczue alle wênndel, so do gevallen sind noch vleissiger unser gepet an stat der egemelten prela^et und auch unser dadurich sew der egenant herr Reinprecht von Wallse, haubtman ob der Enns, der wegeben hat, gancz ab und nichs sein sol. So sprechen wi^er auch den grund zwischen des mulgraben und der Melkch von dem wu^erslag ab uncz an den zawn, doruber die lanndtstrass geet zu gemain baiden mulen der obern und der nidern ze niessen und frumen angever. So sprechen wi^er auch denselbigen wu^erslag ze gen und beleiben, als der vor gewesen und gangen ist noch o^efnu^eng der alten brief, so zu baider seytten doruber sind. Dann so sprechen wi^er auch, welher tail das ubergriff, in welhem artikel das wêr, das wissentlh wu^erd, das der dann gegen seinen widertail alle seine rechten verloren und dem lanndesfursten in Osterreich zway hundert gueter guldein verfallen sein sol an alle gnad. Und des ze urknnd geben wi^er yedem tail unsern offen brief, wesigelten mit unser obgenanter aller aufgedrugkten petschaden uns und unsern erben an schaden. Geben noch Kristi gepu^erd vierczehenhundert jar, dornach im zway und zwainczkisten jar am mitichen in den osterveirtagen.

Source Fulltext: FUCHS, Göttweig II (=FRA II/52, Wien 1901) S. 185-186