Ich Hanns Weikartslagêr und ich Chlara sein hausfraw bekennen offenleich mit dem brief für uns und all unser erben und tuen kund mênichleichen allen lêuten gegenbu^ertigen und kunftigen, das wi^er mit guetem willen und wolbedachtem mu^eet zu der zeit, do wi^er das rechtleich wol getu^en mo^echten, dem erwi^erdigen geistleichen herren abbt Petern dieczeit abbt unser frawn gotzhaus zu Kottweig, dem ganczen convent und allen iren nachko^emen des gotzhaus daselbs aus unserm geballt in iren geballt gegeben haben dye hernach geschriben gueter: von erst auf drein jeuchen weingarten und drein jeuchen akcher ganczen zehent, item darnach auf sechs und dreissikch jeuchen weingarten und auf suben jeuch akcher halben zehent alles gelegen bey Czeisselperg an dem Sêchsenperg¹ in Gobatsburgêr pharr also, das dye egenanten gu^eeter mit aller ir zugeho^erung nu fu^erbas ewikchleichen bey dem gotzhaus zu Kottweig beleiben schu^ellen darumb, das sy uns und allen unsern varfadern und nachko^emen hinfu^er ewichleich und allczeit des erichtag abents nach einer yeden quattember ain vigili mit nêwn leczen in irem convent zu Kottweig singen schullen nach gebanheit ir^es gotzhaus, und des nagsten mitichens darnach so schullen sy uns in ir^er pharrkirhen daselbs begeen mit ainem gesungen selambt; item sy schullen uns auch furbas ewichleich ainen jartag pegeen des suntag abents nach sand Mertentag in irem convent mit ainer gesunger vigili mit nêwn leczên und dye frawn in dem frawnkloster schullen desselben abents auch ain vigili singen und des montags darnach schullen sy uns in irr pharrkirchen ain selambt singen und schol der herren ainer desselben tags mitsambt den frawn in dem frawnklo^ester auch ain selambt singen; item sy schullen auch bey den obgenanten funf pegeung, das ist zu den quattembern und zu dem jartag bey vigili und selambten allezeit ir cherczen vier aufstekchen und dy prinnen lassen uncz an das ende; item es schullen auch an demselben tag, als der jartag begangen wi^erdet, all herren, dy dieczeit in dem kloster sind,^a mess sprechen und umb der hernach geschriben sel pitten; item es schol auch ain yeder pharrer zu Kottweig von den nuczen, dy zu derselben pharr geho^ernt und gefallen hinfu^er ewichleich des mitichens nach einer yeden quattemer, als das pegeen geschiecht, raichen und geben in der herren convent ain halb phunt phening umb visch und des mantags nach sand Mertentag, als der jartag pegangen wi^erdet, sechs schilling phening und desselben mantags sechczikch phening in das frawnklaster umb visch, domit sy all zu den obgenanten tagen getro^esst und dester williger werden den obgenanten gotsdi^enst zu vollpringen und schol in ir^er gebo^endleicher phru^end noch chain gotsdi^enst zu den benanten ta^egen dadurch nichts abgeprochen wenden; item es schol auch ain yeder pharrer zu Kottweig zu ainer yeden pegeung, das ist funf stund im jar, raihen und geben den dreiczehen armen menschen in das spital daselbs ir yedem zwen phening. Dyeselben schullen allezeit an underlo^es bey den obgenanten vigili und selambten sein und peleiben und umb dye hernach geschriben und all gelaubig sel pitten und welcher des sawmig wurde an krankchait oder an andrer merkchleicher nottdu^erfft, dem schol der pharrer desselben tags dye zwen phening nicht geben, aber sy schullen dannoch andern armen leuten geraicht werden; item es schol auch ain yeder pharrer ze Kottweig all suntag auf der chanczel umb der hernach geschriben sel pitten und ain ave Maria frumen item umb Hannsen des Weikartslager sel, Chlaren seiner hausfraw^en, ir^er kinder, verfadern und nachko^emen und hern Albrechts pharrer zu Kunigsteten und all gelaubig sel; item es schol auch ain yeder pha^errêr dy obgenanten pegeung und jartag all an den nagsten feirta^egen vor verkunden. Wêr aber, das der obgenant herr abbt Peter, sein convent und nachko^emen an den obgenanten ta^egen ainem oder menigerm geirrêt wu^erden von andrer heyliger zeit oder andrer merkleicher nottdurfft wegen, so schullen sy den obgenanten gotzdi^enst und all obgeschriben sach dannoch in derselben wochen oder darnach in den vierczehen tagen genczleich ausrichten und vollpringen. Ta^eten sy des nicht, als offt das bescha^ech, so schullen sy verfallen sein zu raihen zway phunt wachs in das spital gen Krems. Têten sy des aber nicht alslang, uncz sich zwo quattember verczugen, so schullen und mugen wir uns ich obgenanter Hans Weikartslager, ich Chlara sein hausfraw unser aines oder unser erben oder wer den brief mit unserm willen innehat, der obgenanten gu^eter mit ir^er zu^egeho^erung aller gancz underbinden und dye zu ainem anderm gotzhaus geben, damit solher oder gro^esser goczdi^enst vollbracht werde. Und des zu urkund geben wir ich obgenanter Hanns Weikartslager, ich Chlara sein hausfraw fu^er uns und all unser erben dem obgenanten erwi^erdigen herren abbt Petern, abbt u^enser frawn gotzhaus zu Kottweig, seinem convent und allen iren nachko^emen daselbs den brief besigelten mit meins egenanten Hansen des Weikartslager anhangunden insigl, darunder ich mich obgenante Chlara sein hausfraw mit mein trewn verpinde alles das war und sta^et zu halten, das vor an dem brief geschriben stet. Darczu haben wi^er vleissichleich gebeten dy edlen unser lieben frewnt Zachariasen den Kersen, Hansen den Pogschuczen und Gorgen den Gwa^eltlein, das sy der sach mit irn anhangunden insigln geczeug sind in und irn erben an schaden. Geben nach Christi gebu^erd vierczehen hundert jar darnach in dem sechs und zwainczkisten jare an sand Georgentag.

Source Fulltext: FUCHS, Göttweig II (=FRA II/52, Wien 1901) S. 201-203