Ich Andre Hager und ich Andre pharrer ze Hawnulczstain bechennen, als der ersam Gregori herr pharrer ze Mawr an uns pracht hat von wegen ains weinczehent zu Newpaw, der da gehort zw unser frawn kirchen gen Mawr, den man dem Gregori und seim vorvordern von alter in dem darff oder vor den weingarthen geben hat ze Newpawhen und an des Gregori willen und seins vorvordern willen herdann nye gefurt sey wu^erden, darinn im Gorig Ennkel und auch die sein Tybuld ze Pylach und Gilg Sta^edler zu Losdorff irrung tuent und wellennt im den obgenanten weinczehent nicht geben, als von alter herkomen ist. Darumb haben wi^er obgenanten Andre Hager und herr Andre pharrer etc. gefragt die eltisten nachpawern ze Newpaw umbhin gemainckleich Janns Schalich ze Vrsprung, Peter Pinter, Christan sein prueder, der jung Peter Weÿgel all Newpawer, Stephann Rotil ze Spilperig, Andre ze Rogendorff des Wincklers aydem ze Mawr, Peter der Smiedenson ze Py^elach. Die haben uns gesagt und veriehen, das in wol ku^end und wissenleich sey^e, das man dem Gregori pharrer ze Mawr und sein vorvordern den obgenanten weinczehent alle jar in dem darff ze Newpaw geben habent oder vor den weingarten. Also hann ich Andre Hager die obverschrieben fromen lewt verhort vormols verhort^a die zeit und ich fleger gewesen pin ze Wolfstain und vogt des obgenanten goczhaus, als man geschrieben hat anno etc. in dem dritten jar, dizeit veriehen haben auch hernoch, do der pharrer pey gewesen ist herr Andre ze Hawnulczstain. Der verriehung der obverschriben fromen lewt sprech wi^er paÿd pey unsern trewen, das wir das gehort haben angever, des zewgen sind: her Vlrich Fulsinger, ain offner Schreiber des Romeschen stul, her Hanns Pawmgartner, Mert Primss anstat des Geori Gswennter, phleger ze Wolfstain und vogt des obgenanten goczhaws ze Maw^er anstat unsers gna^edigen fursten herczog Albrechtz ze Osterreich, und ander fromer lewt genu^eg, die mit sampt dem Gregori pharrer uns fleyssickleich gepeten habent, das wir unser insigel angehangen haben an den prief, der geben ist nach Christi gepurd anno etc. in dem syben und zwaynczegisten am eritag nach Egidii etc.

Source Fulltext: FUCHS, Göttweig II (=FRA II/52, Wien 1901) S. 210-211