Ich V^elreich weylent Gu^endolt^es im Tu^ern dem got gnad su^en vergich für mich und fu^er all mein eriben und tu^en chu^end offennbar allen lêuten mit dem brief gegenwu^erttigen und ku^enfftigen, mann ich zu meinen volligen und beschayden jaren nach dem lanndesrecht in O^esterreich wol komen pin, als ich dieselben soleiche meine jar vor den erbêrn weysen dem richtêr und rate zu Klosternewnburgk mit erbern lêuten geweyst und bestêtt hab nach lautt des statpu^echs darinn geschriben doselbs ze Newnburgk, daz ich mit guetem willen und wolverdachtem muet zu der zeit, do ich das rechtleich wol getu^en mo^echt und nach rate willen und wissen meins lieben prueder dez ersamen chorherren hern Symons im Tu^ern, dieczeit obristêr chellnêr unser lieben frawn gotshaws doselbs ze Newnburgk, dem ich mit leib und guet empholhen pin warden von dem vorgenantten meinem vatêr Gundolten im Tu^ern nach innhalltung desselben seins geschêfft^es geschriben im statpuech doselbz ze Newnburgk, verchaufft hab ein haws, das weilent zway hêwsêr sind gewesen gelegen bey der Tu^enaw am egk amthalben zenechst Jacoben des Flo^eczêr haws und sto^ezzt hinden an Hainreichs dez Schawblêr haws, von demselben haws zenêchst dem Flo^eczêr man jêrleichen dient dem fu^ersten in O^esterreich ze gru^entrecht sechczig Wienner phenning an sand Jorigentag und sechczig phenning an sand Michelstag, so dient man von dem andern tayl des haws genant das zu^ehaws oder mêthaws denselben fu^ersten in O^esterreich alle jar dreyssig phenning an sand Jorigentag und dreyssig phenning an sand Michelstag, als daz mit allter herkomen ist und von baiden hêwsêrn sechs phunt Wienner phenning gelt^es purckrecht^es in der erbern bu^erger zech zu sand Mertten, als die urchund daru^eber lautt, und nicht mer und derselben hêwser dieczeit ambtman gewesen ist der erbêr man Jacob der Achtsenincht, statrichter und dieczeit des hochgeparen fu^ersten herczog Albrecht^es, herczogen ze O^esterreich und margraf ze Mêrihêrn etc., meins genêdigen herren slu^esslêr und ambtmann zu Newnburgk klosterhalben. Die u^eberteurung der vorgenantten zwayr hêwsêr, die mein vêttêrleich erib gewesen sind, hab ich recht und redleich mit furczicht verchaufft und geben umb hundert phunt Wienner phenning der swarczen mu^enss und dasselbig gelt alles wissentleich erbêr frumêr lêut den geltêrn gevallen ist, dahin es der egenantt mein vater Gundolt im Tu^ern ze gelten schuldig gewesen ist, dem erbern Jacoben dem Gebharten von Grozzen Enczeinsdarff und sein erben furbaser damit allen sein frummen ze schaffen verchauffen verseczen machen schaffen und geben, wem er wil, an irrung. Ich pin auch des kauffs sein recht geweren und scherm fur alle ansprach, als gru^entrecht^es und des lanndes ze O^esterreich recht ist. Auch hab ich im mit dem brief ingeanttbu^ertt und geben zwen gancz besigelt brief, ainen pehabrief und ainen kaufbrief, daran man aigennlich wol vernymbt, wie die penantten zway hêwsêr in meins vater Gundolt^es im Tu^ern gewalt komen sein. Ob das beschêch, das er hinfur oder sein erben icht krieg oder zu^espru^ech daran gewunnen mit recht, so sullent sy mir dieselben zwen brief zusambt dem gegnwu^erttigen kaufbrief gancz und unczerbrochen wider inanttburtten durch rettung und scherms willen. Wu^erden sew aber verlaren oder zerbrochen und mir ze rechter zeit nicht gelihen, was denne Schadens davon ku^enfftig chêm, des sol ich und der penantt ambtmann unengolten sein und des scherms hinfur an all zu^espru^ch beleiben. Auch ist ze wizzen von wegen ettleicher unnu^eczer brief, die uber dew vorgenantten zway hêwsêr gesagt habent, daz die mit willen und wizzen des egenantten ambtmans vernichttet und geto^ett sind warden und ob im furbaser mit recht daran icht abget, das sol er haben dacz mir und mein eriben unverschaydennlich und auf allem unsern guet, wa ich das hab, ich sey lemtig oder tod. Und daru^eber zu ainer waren stêtten urchund der sach gib ich im den brief versigelten mit des vorgemelten ambtmans anhangundem insigel. Der sach ist geczeug durich meiner pet willen: die erbern Niclasen der Teym, burger und ainêr des rat^es zu Klosternewnburgk, und Hanns der Wayczhoffêr, burgêr doselbs, auch mit iren anhangunden insigelen in und im erben an schaden, under der vorgenantten insigelen ich mich mit mein trewn angevêr verpint stêt zu haben, was davor an dem brief stet geschriben, wann ich selber aigens insigel nicht hab gehabt. Geben nach Kristii gepu^erd vierczehen hundert jar und darnach in dem acht und zwainczigistem jare an mittichen nêchst nach remyniscere in der vasten.

Source Fulltext: FUCHS, Göttweig II (=FRA II/52, Wien 1901) S. 212-214