Vermerkcht, das ich abbt Lucas gesegent pin warden dominica letare in anno etc. XXXII. et eodern anno fuit festum annunciacionis Marie feria tercia post oculi et annus bisextilis.Daran hab ich geben dem bischof XXIIII^a guldein, daraus geburdent dem bischof von Passaw II tail und dem beichbischof geburd nu^er der drittail.Item so hab ich dem beichbischof besunder geschankcht VIII guldein. Item so hab ich in ainer cherczen geopfert III gulden VIII d. Item seinem kapplan, Schreiber, kamrer und wagenknecht hab ich geben XXX grass. Item so hab ich geben umb II new kandel, IIII new hanttu^ech und umb II semlein laib,^b das ich alles hab opfern muessen, XVIII ß. XXI d. Item so hab ich dem beichbischof geschankcht ain gulden rinkch fu^er III guldein. Item dem Schreiber, der dy confirmacion und decretum eleccionis hat pronunciert 1 guldein. Summa huius facit XXXI lb. XI ß. XXVIIII d. Item dabey sind gebesen bey der consecraczen abt Lienhart dyczeit abt zu Melkch, abt Conrad abt zu Altenburkch, abbt Hanns abt zu Sannd Mareinczell, brobst Cristan brobst zu Sannd Pollten. Item et her Georg von Topel, her Wulfing von Liechtenekch, ettleich pharrer und ander erber lêut und burger von Krembs und von Stain. Item so stet mich das mal mit dem beichbischof, mit den prela^eten, mit den herren und mit allen andern gessten auf das mynnist bey XX lb. d. 

Language: Deutsch

Notes: