Ich Acha^ecz der Vichkler, bu^erger zu^e Stain, bekênn offenleich mit dem brief fur mich und all mein erben und tun chu^ent menichleichen allen lêwten gegenwu^ertigen und chu^enftigen, alz ich mein vater und unser vorfadern dem erwirdigen geistleichen herren, hern Lucasen abbt unser frawen go^eczhaws zu^e Gottwey seinem vorfadern daselbs und dem ga^enczen convent von meinem haws gelegen zu Nidern Stain zu^enagst des Chu^enczlein und Merten des Angelpekchen hewser von wegen ains gema^eurten chasten, der auf iren gru^enten gelegen ist, iêrleich in iren hoff zu Stain zu^e zwain têgen ain phu^ent gelts gedient haben nach lawt irer u^erbar und register. Nu^e hat der vorgenant herr von Gottwey von su^enderen gnaden und durch pet willen erber frumer lêwt mit ^a mir meinen erben oder wer das ha^ews hinfur nach mir i^ennehat, die gnad getan, damit daz das vorgenant phu^ent gelts hinfur dester stifftleicher lig und davon ewichleich gedient werd, und darumb hat er uns aber irs gru^ents zu^e dem egenanten chasten herczu^e gegeben ainen fêl^a flekch, der gelegen ist hinder irem garten und sto^esset an i^er ho^effma^ewr nach lengs ab mit solhen a^eusgenomen warten, das ich mein erben oder wêr das benant haws und die egenanten^b ir gru^ent nach mir innhat oder besiczet, hinfur ewichleich an alle ablo^esung zu^e rechtem gru^entdienst in irem go^eczha^ews und allen iren nachko^emen iêrleich davon raichen und dienn schullen newnthalben Schilling Wienner phenning: von erst von dem egenanten alten chasten, der auf iren gru^enten leit, ain halb phu^ent Wienner phenning an sand Jorgentag und ain halb phu^ent phe^a Wienner phenning an sand Mertentag und von dem gru^ent, so sew uns yczu^end zu dem egenanten chasten herczu^e gegeben habent, fu^emfczehen Wienner phenning auch an sand Mertentag alles zu^e rechtem gru^entdinst an alle ablo^esung. Wêr aber, das ich egenanter Achacz Vikchler mein erben oder wer daz vorgenant ha^ews und die vorgenanten gru^ent nach mir besiczent oder innehabent zu^e ainem ÿeden vorgenanten diensttag nicht dienetten alzo, daz die egenanten newnthalbem Schilling Wienner phenning uber iarsfrist verczo^egen und nicht gedient wurden, so ist in und irem goczha^ews der egenant chasten und gru^ent fu^er iren gru^entdinst verfallen an alle genad und mu^egen sich des underwinden an alles gericht fu^er die egenanten newnthalbein schilling phenning ewigs gelts und allen irn fru^emb damit hanndeln als mit anderm irem aygen gu^et an all unser und menikleichs von unseren wegen irrung krieg und widerred. Auch ist^c beredt und betaidingt warden von irer hoffma^ewr wegen, das dieselb ma^ewr in und irem go^eczhaus zugeburen schol und die mawr gartenhalb schullen wir auffueren in der hoch des egenanten chasten. Wêr aber, daz wir auf den egenanten gru^ent cheler chêsten chêmer oder ander gemêch icht pawen wurden, so schullen wir dieselb ir ho^effma^ewr auf unser aygen gelt mawren und auch alz hoch auffueren, als die alt unser chastenma^ewr yczu^end stet ungevêrleich und mu^egen dann wol darauf pawen und darinne zway infallunde liecht gehaben aus irem garten, die in solher hoch steen, daz wir in mit gesicht oder mit andern Sachen chainen schaden bringen. Auch mugen wir ain infallundes liecht haben durch ir hoffmawr doch alzo, daz wir ain venster darczu^e haben schullen zu^e obrist under dem dachsymis, das ainer ellen lang sey und ains gemu^ends hoch in der weit hab, damit wir in mit gesicht oder anderen sachen auch nicht geschaden mu^egen. Ob in aber dannoch schad daraus gieng, daz schu^ellen und wellen wir oder wêr das haws dieweil innehat, selb wenndten an widersprechen ungevêrleich. Und daz die sach hinfur gancz stêt und unczebrochen beleib, so gib ich obgenanter Achacz fu^er mich mein erben und fur all die, di daz vorgenant haws und die benanten grunt nach mir innehabent oder besiczent, dem obgenanten erwirdigen herren, hern Lucasen abbt unser frawen go^eczhaws zu Gottwey seinen nachkomen und dem ganczen convent daselbs den brief besigelt mit des erbern Hannsen des Chienast dieczeit gesessen zu^e Stain anhangunden insigel, den ich vleissigleich darumb gepeten hab, wenn ich aygen insigel dieczeit nicht gehabt hab. Der sach ist auch geczêug durch meiner vleissigen pet willen der erber Leonhart der Rokchendarffer, burger zu Stain, mit seinem anhanngunden insigel im und seinen erben an schaden, under der baider insigel ich mich verpind mit meinen trewen allez daz wa^er und stet zu^e halten, so vor an dem brief geschriben stet. Der geben ist nach Christi gepu^erd vierczehen hu^endert iar darnach in dem drew und dreissikesten iar an freitag nach dem heiligen auffarttag.

Source Fulltext: FUCHS, Göttweig II (=FRA II/52, Wien 1901) S. 252-254