Vermerkcht das widersprechen, so wir abbt Lucas zu Gottweig haben gegen der vadrung, so Taman von Chirchperg, dieweil er des gotzhaus richtêr gebesen ist, zu uns maynet ze haben, als er uns dieselben vadrung in geschrifft hat zu erkennen geben:||
[1.] von erst so mellt er II lb. d., dy wir im iêrleich schollten schuldig sein auf dy XIIII lb., darumb wir in gedingt haben. Daengegen ist unser widerred, das wir im derselben II lb. nicht phlichtig sein zu geben, wenn wir in nu^er umb XIIII lb. d. gedingt haben und nicht umb sechczehne, und derselben XIIII lb. d. ist er jêrleich entricht warden also, das wir i^em an seinem jarsold nichts schuldig sein.||
[2.] Desgleichen mellt er umb 1 mutt habern, den wi^er im auch jerleich scholten schuldig sein, daran er nu^er LIII meczen scholt emphangen haben. Daengegen ist unser widerred, das wi^er im chain habern in dem geding nye versprochen haben; denn einen halben mutt haben wi^er im jerleich geben von sundern gnaden und gutem willen, daran wir im des jars scilicet anno XXXVIII schuldig sein VII meczen habern.||
[3.] Dann von des swêrn traid wegen, als er uns zeicht mit XVI meczen korn, sein wir im nicht mer schuldig denn XII meczen korn de anno XXXVIII.||
[4.] Item so mellt er, wie wi^er im noch schuldig sein ain dreiling wein. Daengegen ist unser widerred, das wir in iêrleich aines ganczen^a dreiling wein entricht haben, als wir im das versprochen haben, und haben im in dem ersten jar geben II dreiling wein^b und in anno XXXVII I dreiling und in anno XXXVIII auch nu^er 1 dreiling also, das er des weins uberal beczallt ist.||
[5.] So mellt er von der zwaier fueder hey wegen, die man im zwai jar nicht geben hab. Ist unser widerred, das er sich darinn selb gesawmbt hat also, das er sich des auf den wisen nicht underbunden hat.||
[6.] Item so mellt er umb das hoffgwant, so er maynet, das man im schuldig sey und zwai jar nicht gegeben hab. Daengegen ist unser widerred, das wir i^em des nicht schuldig sein, wenn in dem geding ist im^c chain hofgebant nye gemellt noch versprochen warden, aber was wi^er i^em hofgebant gegeben haben, das ist alles beschehen von sundern gnaden und gu^etem willen.||
[7.] Item als er mellt von der gerechtikchait wegen des tancz am ho^eschen mitichen, die wir im auch scholten schuldig sein die sechs jar, ist unser widerred, das wi^er im die nye versprochen haben, wenn solhe gerechtikchait unsers goczhaus herleichait alain zugebu^erdet und nyembt anders.||
[8.] Item er mellt auch von des gebants wegen, das der phoch furider in genummen ward, wie wi^er im das auch scholten schuldig sein und i^em zugebu^eret. Daengegen ist unser widerred, das wir im des nicht phlichtig sein, darumb das es solhe gu^et unserm gotzhaus zugebu^erdt. Darczu hat er sich in denselben sachen nindert mu^een wellen und hiet uns und unser gotzhaus darinn lassen in schaden ko^emen, hieten sich ander unser dienêr darumb nicht angenummen wie daru^eber, so haben wir den mantel von demselben gebant geben seiner mu^emên und den hu^et seiner hausfrawn alles von gutem willen.||
[9.] Desgleichen mellt er alle wandel, die in den sechs jaren verbracht sind warden, die scholten wir i^em auch schuldig sein. Ist unser widerred, das alle wandel unsers gotzhaus herschafft zugebu^erdent und nicht i^em und davon so hat er noch vil wandel inn und haben i^em vil wandelzedel ubergegeben, die er uns noch alle phlichtig ist wider ze raytten.||
[10.] Er mellt auch, wie wir sigellgellt von fu^enf brieffen innehaben, das wir im schuldig sein. Daengegen ist unser widerred, das wir von seinen wegen nichts emphangen haben und ettleich brief noch bey uns ligent, davon aisch er gar wol, wem er gesigellt hab, an denselben vader sein gelt.||
[11.] Item er mellt auch, wie wi^er im das fueter auf zwai phêrd haben abgeprochen. Ist unser widerred, das wi^er i^em chain fu^eter nye haben abgeprochen, sunder wir haben im gleich das fu^eter geben, als man dann gebondleich lange zeit zu Gottweig auf ein pherd gegeben hat.||
[12.] Item er mellt auch, wie wi^er seinem weib ain rokchen genummen haben und den ainer andern frawn geschankcht. Darinn ist unser widerred, das wi^er zu solher lêperei chain gedankch nye gehabt haben und geburd uns auch nicht zu^e. Wir haben auch unsern bru^eeder Larenczen darumb zu red gesaczt, davon wir aigenleich vernummen haben, das im umb die sach nichts wissentleich sey, er hab ir auch chainen rokchen nye gemacht. Dabey ist wol zu versten, das er uns in den sachen und andern gern in ungelimpffen und in spot brêcht, des er uns als ain dienêr seinem herren nicht pflichtig ist von seins selbs eren wegen.||
[13.] Item so mellt er vil zerung und ander ausgeben, so er an manigen enden scholt getan haben in den sechs jaren, das wir i^em auch schuldig wem. Ist unser widerred, das er uns dasselb ausgeben zu yeder seiner zeit scholt verrayt haben, so hieten wi^er im dann das pilleich beczallt und in unser register ingeschriben. Seidemallen des nicht geschehen ist, so sein wir im nichts phlichtig widerzecheren, denn wes er uns erbeist, das er in unsern diensten und unserm geschêfft zu no^ettdu^erfft ausgeben hat, das wellen wir im erstatten.||
[14.] Sunderbar als er sich ausgeit und ru^embt, wie er brief von uns hab, die do lauttent, das wir in unverdarben wellen halden, wellen und begeren wi^er nicht anders, denn das er uns dieselben brief fu^erbring zu sehen und zu ho^eren, was wir dann darauf pilleich schullen tu^en, daraus wellen wir nicht treten.||
[15.] Auch melden wir von der zuspruch wegen, so der Erhart von Chrudsteten zu uns hat von des heiratsgu^ets wegen, das seiner tochter von dem richter scholt nachvolgen, das er uns derselben zuspru^ech von dem Erharten ledig mach, also das wir kunftigs schadens ansprach davon vertragen werden.||
Vermerkcht das ausgeben, so wir abbt Lucas zu Gottweig getan haben Tamann von Chirchperg, dieweil er des gotzhaus richter gebesen ist, und das wi^er im gegeben haben uber sein versprochen jarsold:||
||
[1.] item von erst haben wir im geben jêrleich zu newen jar von anfankch uncz her ad annum tricesimum nonum, das wir zusamb grait haben, das bringt ain phunt gross und VIII gross, die haben wir im nicht geben von gerechtikait, sunder nu^er von gu^etem willen.||
[2.] Item so haben wir i^em geben sunderbar III gulden, da wi^er des Chollinger hof zu Prunn gelihen haben.||
[3.] Item und haben im ainst geben XV ß. d. und ainst XII ß. d. in grossen.||
[4.] Item alls man dy zehend jerleich beriten hat, haben wir im alle jar geben bey XII ß. d. und am minnsten bey 1 lb. d.||
[5.] Item ettbann mer denn ainst haben wir im geben 1 lb. d.||
[6.] Item zainczigen, wann wir gelihen haben, haben wi^er im geben bey 1 lb. d., bey V ß. d., bey III ß., bey LXX d. darnach und die lehenschafft hat gelt bracht.||
[7.] So haben wir sein hausfrawn die und ir^e vorfadern auch menigermal geert uncz auf heut, das wir auch nu^er getan haben von sein wegen.||
[8.] Item als er am anfankch von uns pegerat, wann seinew kinder heraufkemen, das man im dann vir laibel oder sechse nicht versaget haben, wir im uncz her die sechs jar alle wochen hinab gesandt XIIII herren laibel von gutem willen, des wi^er im auch nicht phlichtig gebesen wêrn.

Source Fulltext: FUCHS, Göttweig II (=FRA II/52, Wien 1901) S. 319-323