Anno domini etc. XLVI am mitichen nach sannt Michelstage haben wir Wolfganng abbt zu Gottweig daz lehen ze Furt gelegen, so wir von Hannsen Frel als zehentfrey und freys purkrecht gekauft haben, unserm getrewen Erharten Puchler und allen seinen erben mit aller seiner zugehorung umb sein sumb gelts, der wir zu rechter zeit beczalt sein, verkaufft haben^a in solher maynung, das er durich seiner trewer dinst willen, so er unserm gotzhaus getan hat, auf seins leibs lebta^eg und nicht verrer robat und steurfreÿ davon sein sol und sust er und sein erben uns und unserm gotshaus jerlich davon von^a dienn su^ellen LX d. zu sannt Jorgentag und LX d. zu sannt Michelstage und von allen fruchten, so sy darauf pawn, den zehent und wann der obgenante Erhart Puchler mit tod abgangen ist, so sullen darnach sein erben oder wer daz lehen besiczt. nicht verrer stewr noch robatfreÿ sein, sunnder davon alles das mitleiden und tun, als die besiczer und innhaber anderer lehen daselbs ze Fu^eert zu notdurfft unsers gotzhaus mitleiden haben ungeverlieh. Actum in presencia Jeorgii Pranntner etc. 

Original dating clause: am mitichen nach sannt Michelstage

Language: Deutsch

Notes: